سولتۇستىك قازاقستان وبلىسىنىڭ پروكۋرورلارى مەملەكەت مەنشىگىنە 29،8 ملرد تەڭگە تۇراتىن پايدالانىلماي جاتقان جەرلەردى قايتاردى، دەپ حابارلايدى Dalanews.kz.
پروكۋراتۋرا ورگاندارى پايدالانىلماي جاتقان جەر ۋچاسكەلەرىن انىقتاۋ جانە ولاردى مەملەكەت مەنشىگىنە قايتارۋ بويىنشا جۇيەلى جۇمىستار جۇرگىزۋدە.
2025 جىلدىڭ باسىنان بەرى قاداعالاۋشى ورگان جالپى اۋدانى 146 مىڭ گەكتاردان اساتىن 75 جەر ۋچاسكەسىن انىقتادى، ولار ماقساتىنا ساي پايدالانىلماعان.
اقجار، ەسىل، عابيت مۇسىرەپوۆ، تيميريازيەۆ جانە ءۋاليحانوۆ اۋداندارىندا جەر پايدالانۋشىلار جەر كودەكسىنىڭ تالاپتارىن بۇزا وتىرىپ، اۋىل شارۋاشىلىعى ماقساتىنداعى 45 جەر ۋچاسكەسىن ۇزاق ۋاقىت بويى ماقساتتى پايدالانباعان.
پەتروپاۆل قالاسىندا كاسىپكەرلىك سۋبەكتىسى جەر كودەكسىنىڭ تالاپتارىنا قاراماستان، ءۇش جىل بويى كوممەرسيالىق ماقساتتا بولىنگەن 123 گەكتار جەر ۋچاسكەسىن پايدالانباعان.
پروكۋرورلىق قاداعالاۋ اكتىلەرىنىڭ نەگىزىندە جالپى اۋدانى 33،2 مىڭ گەكتاردى قۇرايتىن، كاداسترلىق قۇنى 29،8 ملرد تەڭگە بولاتىن 36 جەر ۋچاسكەسى مەملەكەت مەنشىگىنە قايتارىلدى.
مەملەكەت باسشىسىنىڭ 2024 جىلعى 2 قىركۇيەكتەگى جولداۋىنا سايكەس، جەرگىلىكتى اتقارۋشى ورگاندار قايتارىلعان جەرلەردى ادال نيەتتى جەر پايدالانۋشىلارعا بەرۋ بويىنشا جۇمىستار جۇرگىزۋدە.
