2025 jylǵy 4 tamyzda Mamliýt aýdanynyń Meńgeser aýylynda «Mambetov jáne K» óndiristik bazasynda «Uly dala astyǵy – 2025» atty egis kúni ótti,- dep habarlaidy Dalanews.kz
Is-shara Soltústik Qazaqstan oblysyndaǵy kúzgi jiyn-terim naýqanyna daiyndyqqa arnaldy.
Is-shara jumysyna Qazaqstan Respýblikasy Aýyl sharýashylyǵy vitse-ministri Amanǵali Berdalin, aýdan ákimderi, ǵylymi qaýymdastyqtardyń ókilderi, agrarlyq keńes músheleri, aýyl sharýashylyǵy qurylymdarynyń basshylary, memlekettik organdar men Resei Federatsiiasynan kelgen seriktester qatysty.
Biyl óńirdiń agrarshylary 4,3 mln gektar egis alqabyn jinap alýy tiis. Onyń 3 mln gektaryn dándi daqyldar, al shamamen 1 mln gektaryn maily daqyldar quraidy. Jaqsy ónim kútilýde. Bul – eginshilik alqaptaryn ártaraptandyrý, áleýmettik mańyzy bar daqyldardyń kólemin arttyrý, 340 myń tonna mineraldy tyńaitqysh engizý, tuqym men aýyl sharýashylyǵy tehnikasyn jańartý siiaqty aýqymdy daiyndyq jumystarynyń nátijesi. Óńirdegi elevatorlar jańa ónimdi qabyldaýǵa tolyq daiyn.
Egis kúni aiasynda qatysýshylar zamanaýi aýyl sharýashylyǵy tehnikasymen, ártúrli suryptar egilgen tájiribelik alqaptarmen, selektsiialyq jetistiktermen, sondai-aq tuqym, tyńaitqysh jáne ósimdikterdi qorǵaý quraldaryn usynýshy kompaniialardyń ónimderimen tanysty. Erekshe kóńil eginshilik tiimdiligin arttyryp, ónim joǵalýyn azaitatyn praktikalyq sheshimderge bólindi.
"Uly dala astyǵy – 2025» is-sharasynyń ótkizilýi Soltústik Qazaqstan oblysynyń eldegi agrarlyq saladaǵy jetekshi rólin aiqyndaidy, tájiribe almasýǵa, innovatsiialardy ilgeriletýge yqpal etedi, reseilik aýyl sharýashylyǵy óndirýshilerimen yntymaqtastyqty nyǵaityp, agroónerkásiptik keshendi damytý úshin jańa múmkindikter týǵyzady", - dep jazdy óńir basshysy áleýmettik jelide.
