SQO ákiminiń orynbasary Sátjan Ablalievtiń aitýynsha, avtomobil joldaryn jóndeýge, salýǵa investitsiia kólemi aitarlyqtai artqan. Eger 2017 jyly bul maqsatqa 18,7 mlrd teńge bólinip, 22 avtojol kompaniiasy tartylsa, biyl 32 mlrd teńge jumsalyp, 44 jol kompaniiasy ýchaskelerde eńbek etti. Nátijesinde 626 km jol jóndeldi.
– Máselen, respýblikalyq mańyzdaǵy joldyń «Voloshinka – Timiriazevo» eldi mekenderi arasyndaǵy 35 shaqyrym, «Kókshetaý – Kellerovka» jolynyń 26 shaqyrym, «Saýmalkól – Kamennyi» Brod tasjolynyń 40 shaqyrym jónge keltirildi.
Jergilikti mańyzdaǵy joldarǵa keletin bolsaq, «Taiynsha – Chkalovo» baǵytynyń sońǵy ýchaskesi – 8 km qalpyna keltirildi. Jalpy 80 shaqyrym jóndeldi.
«Beniash – Nadejka» aýyldarynyń arasynda 9 shaqyrym, «Grigorevka – Kamyshlovo» arasynda 5 shaqyrym, «Saýmalkól – Kazanka» arasynda 6 shaqyrym jol kúrdeli jóndeldi.
«Lobanovo – Aryqbalyq – Chistopole» eldi mekenderiniń arasyndaǵy 33 shaqyrym, «Letovochnoe – Kelerovka» 20 shaqyrym, «Býlaevo – Kýlomzino» 33 shaqyrym, «Voskresenovka – Ledeneva» 23 shaqyrym orta jóndeýden ótti.
«Bul jumystar jol ýaqytyn qysqartyp, avtojoldy qoldanýshylardyń amortizatsiiaǵa ketetin shyǵynyn azaitty», - dedi Sátjan Ablaliev. Kelesi jylǵa biyldan jalpy qashyqtyǵy 350 shaqyrym bolatyn 25 joba qalǵan. Sondai-aq, jańadan jalpy uzyndyǵy 500 shaqyrym bolatyn 53 joba qolǵa alynady.
SQO ákimi orynbasarynyń aitýynsha, eldi-meken kósheleri de nazardan tys qalmaidy. Biyl 52 aýylda 148 sharym joldy jóndeý jumystary qolǵa alynsa, sonyń 106 shaqyrmy iske qosyldy. Olar - Imantaý, Antonovka, Saýmalkól, Talshyq, Dáýit, Kievskoe, Býlaevo, Vozvyshenka, Chervonoe, Birlik, Býdennoe, Toqsan bi, Razgýlnoe, Lomanosovka, Shóptikól eldi-mekenderiniń turǵyndary oń ózgeristi sezindi.
Keler jyly aýyl kóshelerin jóndeýge qatysty jumystar jalǵasady, buryn bastalǵan 25 jáne jańadan 31 jobany aiaqtaý mindeti tur.
