Shyǵys Qazaqstan oblysynyń Samar aýylynda áieldiń aitýynsha, burynǵy kúieýi jumys kezindegi úzilis kezinde oǵan pyshaqpen shabýyl jasaǵan. Saldarynan alty balanyń anasy aýyr jaraqat alyp, qulaǵynyń bir bóliginen aiyrylǵan. Qazir ol aýrýhanada em qabyldap jatyr, dep habarlaidy dalanews.kz.
Jábirlenýshiniń sózinshe, burynǵy jubaiy oǵan buǵan deiin de birneshe ret qoqan-loqy kórsetken. Ómirine qaýip tónip turǵanyn aityp, politsiiaǵa birneshe márte júgingen. Shabýylǵa deiin áiel áleýmettik jelilerde birneshe ret videoúndeý jariialap, ózine jáne kámeletke tolmaǵan alty balasyna alańdaitynyn aityp, kómek suraǵan.
Oqiǵadan keiin jábirlenýshi politsiianyń áreketsizdigi qaiǵyly jaǵdaiǵa ákele jazdaǵanyn málimdedi. Shyǵys Qazaqstan oblystyq politsiia departamenti atalǵan derek boiynsha sotqa deiingi tergeý bastalǵanyn habarlady. Kúdikti qamaýǵa alynyp, qylmystyq istiń tergelýi departament basshylyǵynyń baqylaýyna alynǵan.
