شىعىس قازاقستان وبلىسىنىڭ سامار اۋىلىندا ەيەلدٸڭ ايتۋىنشا, بۇرىنعى كٷيەۋٸ جۇمىس كەزٸندەگٸ ٷزٸلٸس كەزٸندە وعان پىشاقپەن شابۋىل جاساعان. سالدارىنان التى بالانىڭ اناسى اۋىر جاراقات الىپ, قۇلاعىنىڭ بٸر بٶلٸگٸنەن ايىرىلعان. قازٸر ول اۋرۋحانادا ەم قابىلداپ جاتىر, دەپ حابارلايدى dalanews.kz.
جەبٸرلەنۋشٸنٸڭ سٶزٸنشە, بۇرىنعى جۇبايى وعان بۇعان دەيٸن دە بٸرنەشە رەت قوقان-لوقى كٶرسەتكەن. ٶمٸرٸنە قاۋٸپ تٶنٸپ تۇرعانىن ايتىپ, پوليتسيياعا بٸرنەشە مەرتە جٷگٸنگەن. شابۋىلعا دەيٸن ەيەل ەلەۋمەتتٸك جەلٸلەردە بٸرنەشە رەت ۆيدەوٷندەۋ جارييالاپ, ٶزٸنە جەنە كەمەلەتكە تولماعان التى بالاسىنا الاڭدايتىنىن ايتىپ, كٶمەك سۇراعان.
وقيعادان كەيٸن جەبٸرلەنۋشٸ پوليتسييانىڭ ەرەكەتسٸزدٸگٸ قايعىلى جاعدايعا ەكەلە جازداعانىن مەلٸمدەدٸ. شىعىس قازاقستان وبلىستىق پوليتسييا دەپارتامەنتٸ اتالعان دەرەك بويىنشا سوتقا دەيٸنگٸ تەرگەۋ باستالعانىن حابارلادى. كٷدٸكتٸ قاماۋعا الىنىپ, قىلمىستىق ٸستٸڭ تەرگەلۋٸ دەپارتامەنت باسشىلىعىنىڭ باقىلاۋىنا الىنعان.
