Soltústik Qazaqstan oblysynda ákimdiktiń laýazymdy tulǵalary jáne kásipker paraqorlyq deregi úshin sottaldy, – dep habarlaıdy Dalanews.kz.

Taıynsha aýdany ákiminiń orynbasary jáne TÚKSH bólimi basshysy joldardy jóndeý boıynsha oryndalǵan jumys aktilerine kedergisiz qol qoıý úshin jergilikti kásipkerden 10 000 000 teńge para alǵan.

"Bultartpas dálelder bolsa da jaýapqa tartylǵan úsh adam óz kinálaryn moıyndamaı, jasaǵan isterine ókinbegen. Alaıda memlekettik aıyptaý para berý jáne alý derekterin dáleldedi", - dep jazylǵan habarlamada.

Petropavl qalalyq soty prokýratýranyń ustanymymen kelisip, kináli tulǵalar 3 jyl 6 aıdan bastap 7 jyl 6 aıǵa deıin bas bostandyǵynan aıyrý jazasyna sottaldy.

Olarǵa ómir boıyna memlekettik qyzmette jáne kvazımemlekettik sektor sýbektilerinde laýazymdy qyzmet atqarýǵa tyıym salyndy.  

Sottalǵandar jazalaryn ortasha qaýipsiz qylmystyq-atqarý júıeleri mekemelerinde óteıdi.