سولتۇستىك قازاقستان وبلىسىندا اكىمدىكتىڭ لاۋازىمدى تۇلعالارى جانە كاسىپكەر پاراقورلىق دەرەگى ءۇشىن سوتتالدى، – دەپ حابارلايدى Dalanews.kz.
تايىنشا اۋدانى اكىمىنىڭ ورىنباسارى جانە تۇكش ءبولىمى باسشىسى جولداردى جوندەۋ بويىنشا ورىندالعان جۇمىس اكتىلەرىنە كەدەرگىسىز قول قويۋ ءۇشىن جەرگىلىكتى كاسىپكەردەن 10 000 000 تەڭگە پارا العان.
"بۇلتارتپاس دالەلدەر بولسا دا جاۋاپقا تارتىلعان ءۇش ادام ءوز كىنالارىن مويىنداماي، جاساعان ىستەرىنە وكىنبەگەن. الايدا مەملەكەتتىك ايىپتاۋ پارا بەرۋ جانە الۋ دەرەكتەرىن دالەلدەدى"، - دەپ جازىلعان حابارلامادا.
پەتروپاۆل قالالىق سوتى پروكۋراتۋرانىڭ ۇستانىمىمەن كەلىسىپ، كىنالى تۇلعالار 3 جىل 6 ايدان باستاپ 7 جىل 6 ايعا دەيىن باس بوستاندىعىنان ايىرۋ جازاسىنا سوتتالدى.
ولارعا ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمدى قىزمەت اتقارۋعا تىيىم سالىندى.
سوتتالعاندار جازالارىن ورتاشا ءقاۋىپسىز قىلمىستىق-اتقارۋ جۇيەلەرى مەكەمەلەرىندە وتەيدى.
