Búgin SQO-da oblys ákimi Ǵaýez Nurmuhambetovtyń qatysýymen Alǵys aitý kúni men Qazaqstan halqy Assambleiasynyń 30 jyldyǵyna orai «Týǵan jerim – Qazaqstanym» forýmy ótti,- dep habarlaidy Dalanews.kz
Bul mańyzdy is-shara ártúrli etnostardyń, qoǵamdyq uiymdardyń jáne óńirimizdiń etnosaralyq kelisimdi nyǵaitýǵa jáne damýǵa belsene úles qosyp júrgen adamdaryn jinady.
Forýmda óńir basshysy Memleket basshysynyń Assambleianyń 30 jyldyǵyna bailanysty quttyqtaýyn oqydy, onda Assambleianyń Qazaqstan halqynyń birligi men qoǵamdyq kelisim modelin qalyptastyrýdaǵy mańyzdylyǵy atap ótildi. Assambleia 30 jyl boiy kópetnikalyq qoǵamymyzdyń tynyshtyǵy, turaqtylyǵy men damýyna úlken ról atqardy.
Forým barysynda oblysta Qazaqstan halqy Assambleiasynyń damýyna eleýli úles qosqan azamattar Alǵys hattarmen marapattaldy. Bul marapattar óńirimizdegi halyqtar arasyndaǵy dostyqty, yntymaqtastyqty jáne ózara túsinistikti nyǵaitýǵa baǵyttalǵan barlyq kúsh-jigerdiń moiyndalýy.
"Bul kún bizge elimizdiń damýy men órkendeýi jolyndaǵy birligimiz ben ózara kómegimizdiń mańyzdylyǵyn taǵy da eske salady. Alǵys aitý kúni qutty bolsyn!", - dep jazdy óńir basshysy áleýmettik jelide.
