Soltústik Qazaqstan oblysynyń prokýratýrasy memlekettik satyp alý týraly zańnamany óreskel buzý faktilerin anyqtady. Jergilikti sheneýnikter 1,7 mlrd teńgege zańsyz balabaqsha salmaq bolǵan, dep habarlaidy Dalanews.kz.
8 aqpanda oblystyq prokýratýra biýdjetten bólingen qarjyǵa taldaý jasady. Osy tusta departament qyzmetkerleri birqatar óreskel zań buzýshylyqty anyqtady. Naqtyraq aitsaq, oblys ákimdiginiń sáýlet jáne qala qurylysy basqarmasynyń laýazymdy tulǵalary zańsyz túrde 1,7 milliard teńgege balabaqsha salýdy kózdegen. Alaida olardyń ruqsat berilgen qujaty bolmaǵan.
Soltústik Qazaqstan oblysynda osyǵan uqsas oqiǵalar jiilep ketken. Máselen, oblystyń taǵy eki aýdanynda jergilikti ákimdikter 107 million teńgege memlekettik satyp alýdy konkýrs sharttaryna súienbei ótkizbek bolǵan. Taǵy úsh aýdanda jergilikti sheneýnikter 148 million teńgege arnaiy sapa sertifikaty kórsetilmegen sport alańdaryn satyp almaq bolǵan.
Buǵan deiin Antikor Qazaqstannyń túrli vedomstvolaryndaǵy memlekettik satyp alýlar kezinde oryn alǵan zań buzýshylyqtarǵa túsinikteme bergen bolatyn.
