سولتٷستٸك قازاقستان وبلىسىنىڭ پروكۋراتۋراسى مەملەكەتتٸك ساتىپ الۋ تۋرالى زاڭنامانى ٶرەسكەل بۇزۋ فاكتٸلەرٸن انىقتادى. جەرگٸلٸكتٸ شەنەۋنٸكتەر 1,7 ملرد تەڭگەگە زاڭسىز بالاباقشا سالماق بولعان, دەپ حابارلايدى Dalanews.kz.
8 اقپاندا وبلىستىق پروكۋراتۋرا بيۋدجەتتەن بٶلٸنگەن قارجىعا تالداۋ جاسادى. وسى تۇستا دەپارتامەنت قىزمەتكەرلەرٸ بٸرقاتار ٶرەسكەل زاڭ بۇزۋشىلىقتى انىقتادى. ناقتىراق ايتساق, وبلىس ەكٸمدٸگٸنٸڭ سەۋلەت جەنە قالا قۇرىلىسى باسقارماسىنىڭ لاۋازىمدى تۇلعالارى زاڭسىز تٷردە 1,7 ميلليارد تەڭگەگە بالاباقشا سالۋدى كٶزدەگەن. الايدا ولاردىڭ رۇقسات بەرٸلگەن قۇجاتى بولماعان.
سولتٷستٸك قازاقستان وبلىسىندا وسىعان ۇقساس وقيعالار جيٸلەپ كەتكەن. مەسەلەن, وبلىستىڭ تاعى ەكٸ اۋدانىندا جەرگٸلٸكتٸ ەكٸمدٸكتەر 107 ميلليون تەڭگەگە مەملەكەتتٸك ساتىپ الۋدى كونكۋرس شارتتارىنا سٷيەنبەي ٶتكٸزبەك بولعان. تاعى ٷش اۋداندا جەرگٸلٸكتٸ شەنەۋنٸكتەر 148 ميلليون تەڭگەگە ارنايى ساپا سەرتيفيكاتى كٶرسەتٸلمەگەن سپورت الاڭدارىن ساتىپ الماق بولعان.
بۇعان دەيٸن انتيكور قازاقستاننىڭ تٷرلٸ ۆەدومستۆولارىنداعى مەملەكەتتٸك ساتىپ الۋلار كەزٸندە ورىن العان زاڭ بۇزۋشىلىقتارعا تٷسٸنٸكتەمە بەرگەن بولاتىن.
