Soltústik Qazaqstan oblysy ákimi Ǵaýez Nurmuhambetovtyń tóraǵalyǵymen ótken ákimdik otyrysynda jylytý maýsymynyń ótýi qaraldy,- dep habarlaidy Dalanews.kz
Búginde oblysqa jylý berýdi ekinshi JEO, 24 ortalyq qazandyq jáne 466 avtonomdy qazandyq qamtamasyz etýde. Stansada 8 qazandyq pen 6 týrbina agregaty jumys isteidi, rezervte 2 qazandyq pen 1 týrbina bar. Bir qazandyqty kúrdeli jóndeý bastaldy, sondai-aq stantsiiaǵa jańa murjany qosý josparlanýda. Sonymen qatar, qatty tasqynnan zardap shekken 53 shaqyrym joǵary voltty elektr jelileri men 737 baǵany qalpyna keldi.
Jambyl, Jumabaev, Timiriazev, Ýálihanov jáne Shal aqyn aýdandarynda 7 blok-modýldik qazandyq ornatyldy. Bul 20 kópqabatty úi men 2 áleýmettik nysanǵa turaqty jylý berýdi qamtamasyz etti. Sondai-aq, Presnovkada 2 kópqabatty úi men 7 áleýmettik nysan qosyldy. Aýdandarda 7 qazandyq almastyryldy.
Kelesi jylytý maýsymynda Saýmalkól jáne Novoishim aýyldarynda ortalyq qazandyqtar men jylý jelilerin iske qosý josparlanýda, Talshyq aýylynda da jylý jelileri qosylady. Sonymen qatar, Jumabaev, Músirepov jáne Timiriazev aýdandarynda jańa blok-modýldik qazandyqtar ornatylady.
Jiynda oblys ákimi energetika salasynda maman tapshylyǵy máselesin atap ótti. Qazir energetikalyq kásiporyndarda 550 bos jumys orny bar. Ásirese, elektrmonterler, elektroslesarler, injenerler men dánekerleýshiler jetispeidi. Osyǵan bailanysty, «Jumysshy mamandyqtary jyly» aiasynda aimaq basshysy oqý oryndaryn oblysqa qajetti mamandardy daiarlaýǵa qaita baǵdarlaýdy tapsyrdy.
