S&P Global Ratings halyqaralyq reıtıńtik agenttigi «Kaspi Bank» AQ reıtıńterin «BB-»-tan «BB»-ge deıin jáne «kzA» deńgeıinen «kzA+» deńgeıine kóterdi. Reıtıń boıynsha boljam - «Turaqty».
Agenttik Kaspi Bank reıtıńi bıznesti nesıeleý, tutynýshylyq nesıeleý jáne tólemder segmentindegi dáleldengen strategıasyn jáne kúshti naryqtyq ustanymyn kórsetetinin atap ótti.
Mıhaıl Lomtadze, Kaspi.kz basshysy ári negizin qalaýshylardyń biri:
«Kaspi reıtıńteriniń kezekti ósýi bizdiń tamasha komandamyzdyń Qazaqstandaǵy jumys sapasyn taǵy rastady. Biz súıikti tutynýshylarymyzdy ómirdi jaqsartatyn ınovasıalyq qyzmettermen ary qaraı da qýanta beremiz. Kaspi.kz sýperqosymshasyn aı saıyn 12 mıllıonnan astam qazaqstandyq paıdalanady. Bizben birge bolǵandaryńyz úshin árqaısyńyzǵa rahmet!»
Agenttiktiń sarapshylary Kaspi óte joǵary tabystylyqty saqtaıdy dep kútedi. ROAE (Ortasha menshikti kapıtaldyń rentabeldilik koefısıenti) eki jyl boıy 75%-dan joǵary bolady. Qajet bolsa boljanǵan joǵary tabystylyq Kaspi-ge jaǵymsyz operasıalyq orta jaǵdaıynda yqtımal táýekelderdi jaqsyraq basqarýǵa kómektesedi.
