S&P Global Ratings halyqaralyq agenttigi «Frıdom Fınans» AQ-tyń, Freedom Finance Global PLC kompanıasynyń, Freedom Finance Europe Ltd jáne «Frıdom Bank Qazaqstan» AQ-tyń reıtıńteri boıynsha boljamdardy «turaqty» boljamynan «oń» boljamyna qaıta qarap, táýekeldi basqarý jáne komplaens júıesin kúsheıtý aıasynda uzaq merzimdi jáne qysqa merzimdi reıtıńterdi «B+/B» deńgeıinde rastady,- dep habarlaıdy Dalanews.kz
Ulttyq shkala boıynsha «Frıdom Fınans» AQ-tyń jáne «Frıdom Bank Qazaqstan» AQ-tyń reıtıńteri «kzBBB-»-ten bastap «kzBBB+»-ke deıin kóterildi. Freedom Holding Corp. kompanıasynyń reıtıńi «V-» deńgeıinde rastaldy.
Reıtıńter boıynsha «oń» boljam táýekel men komplaenstyń jalpy júıesin qurýdaǵy, sondaı-aq osy fýnksıalardy enshiles qarjy kompanıalary deńgeıinde nyǵaıtýdaǵy aıtarlyqtaı ilgerileýdi kórsetedi.
Atap aıtqanda, agenttik Holdıńtiń táýekeldi basqarý saıasatyn, táýekel dárejesi týraly málimdemelerdi, sanksıalyq táýekeldi basqarý jónindegi saıasatty jáne osyndaı táýekeldi baǵalaý ádisnamasyn bekitýin, sondaı-aq enshiles kompanıalardyń jergilikti saıasatyn bekitilgen toptyq qujattarmen sınhrondaý prosesin atap ótti.
Agenttik taldaýshylarynyń pikirinshe, bul sanksıalardy saqtaý, kıber-qaýipsizdik, bedeldi, retteýshi jáne krıptovalútalyq táýekel sıaqty salalardy qosqanda Top deńgeıindegi táýekeldi muqıat qadaǵalaýǵa jáne baqylaýǵa múmkindik beredi.
Sondaı-aq agenttik Toptyń kapıtaldandyrý jáne kiristilik kórsetkishterin kúshti dep sanaýdy jalǵastyrýda, bul táýekeldi eskere otyryp túzetilgen kapıtal koefısıentimen (risk adjusted capital - RAC) shamamen 13% mólsherinde jáne 2025 jylǵy 31 naýryzdaǵy jaǵdaı boıynsha 2,6% mólsherinde negizgi qyzmetten alynǵan ortasha paıdanyń táýekel dárejesi boıynsha mólsherlengen aktıvterge araqatynasymen rastalady.
Búgingi tańda Freedom Broker – brendi tanymal jáne naryqtyq úlesi shamamen 50%-dy quraıtyn Qazaqstandaǵy eń iri bólshek jáne ınstıtýsıonaldyq broker. 2025 jylǵy 31 naýryzdaǵy jaǵdaı boıynsha Qazaqstannyń azamattary toptyń dúnıe júzindegi 683 000 bólshek brokerlik klıentiniń shamamen 30%-yn quraıdy.
«Eger biz Toptyń táýekeldi basqarý jáne komplaens júıesi jetilýin jalǵastyrsaq, Top óziniń baǵaly qaǵazdar portfeli men klıentteriniń ósimi úshin ortasha táýekel dárejesin saqtaıdy, al bizdiń RAC koefısıenti 10%-dan joǵary bolyp qalady jáne Top óziniń tabystylyǵyn qalpyna keltiredi jáne S&P Global esebinde óziniń maqsatty ósý strategıasyn iske asyrýdy jalǵastyrady dep qorytyndy jasasaq, biz aldaǵy 12 aıda jumys isteıtin enshiles kompanıalardyń reıtıńterin kóteremiz», - delingen S&P Global Ratings esebinde.
