Sozaqtyq greppling sheberleri QR Kýbogynyń iegeri atandy
Bairaqty básekege elimizdiń barlyq aimaqtarynan komandalar qatysyp, jalpy 700 sportshy baq synady. Qazaqstan Respýblikasy Kýbogynda Túrkistan oblysynyń namysyn Sozaq aýdanynan Myńjasar Alpamys, Qýandyq Erǵaraev, Dáýren Ospanov, Abzal Sattaruly qorǵady. Oblys qorjynyna qomaqty júlde salǵan sozaqtyq jigitter 2 altyn, 1 kúmis, 1 qola medaldi enshilep, jalpykomandalyq esepte II-oryndy ielendi. QR Kýbogynyń altyn medalin 84 keli salmaqta Myńjasar Alpamys, 66 kelide Qýandyq Erǵaraev enshiledi. Sondai-aq, 62 kelide Abaz Sattaruly kúmis medal, 92 kelide Dáýren Ospanov qola medal aldy.
Grepplingten QR Kýbogynyń iegerlerin aýdandyq balalarmen jasópirimder sport mektebiniń ujymy qurmetpen qarsy aldy. Sport mektebiniń direktory Jetilgen Sarmantaev quttyqaý sóz sóilep, aldynǵy tolqyn aǵalardyń jetistikteri jastarǵa jiger beretinin aityp ótti. Jeńimpazdar sport mektebinde tálim alatyn balalarǵa sheberlik synybyn ótkizdi. 84 keli salmaqta altyn medal alǵan Myńjasar Alpamys:
– Jalpy jarys joǵary deńgeide ótti. Jigitterde baryn salyp kúresip, úlken nátijege qol jetkizdi. Grepplingtin basqa sporttan aiyrmashylyǵy, kúrese otyryp, aýytý, qylqyndyrý tásilin qoldanyp jeńiske jetýge bolady. Alda ádis tásilderdi jetildirip, munan da joǵary nátije kórsetýge tyrysamyz, – deidi.
Belimen judyryǵy myqtylar ǵana emes, júreginde túgi bar jigitter baq synaityn dodada, babyń kelip jeńip jatsań, tutas ulttyń abyroiyn asyrasyń. Jekpe-jek sportynda qylqyndyrý tásili arqyly jeńiske jetýdi kózdeitin greppling sporty Sozaq aýdanynda qazyǵyn qaqty. Endi nátije kútińizder.
