بايراقتى باسەكەگە ەلىمىزدىڭ بارلىق ايماقتارىنان كوماندالار قاتىسىپ، جالپى 700 سپورتشى ب ا ق سىنادى. قازاقستان رەسپۋبليكاسى كۋبوگىندا تۇركىستان وبلىسىنىڭ نامىسىن سوزاق اۋدانىنان مىڭجاسار الپامىس، قۋاندىق ەرعارايەۆ، داۋرەن وسپانوۆ، ابزال ساتتار ۇلى قورعادى. وبلىس قورجىنىنا قوماقتى جۇلدە سالعان سوزاقتىق جىگىتتەر 2 التىن، 1 كۇمىس، 1 قولا مەدالدى ەنشىلەپ، جالپىكوماندالىق ەسەپتە ءىى-ورىندى يەلەندى. ق ر كۋبوگىنىڭ التىن مەدالىن 84 كەلى سالماقتا مىڭجاسار الپامىس، 66 كەلىدە قۋاندىق ەرعارايەۆ ەنشىلەدى. سونداي-اق، 62 كەلىدە اباز ساتتار ۇلى كۇمىس مەدال، 92 كەلىدە داۋرەن وسپانوۆ قولا مەدال الدى.
گرەپپلينگتەن ق ر كۋبوگىنىڭ يەگەرلەرىن اۋداندىق بالالارمەن جاسوپىرىمدەر سپورت مەكتەبىنىڭ ۇجىمى قۇرمەتپەن قارسى الدى. سپورت مەكتەبىنىڭ ديرەكتورى جەتىلگەن سارمانتايەۆ قۇتتىقاۋ ءسوز سويلەپ، الدىنعى تولقىن اعالاردىڭ جەتىستىكتەرى جاستارعا جىگەر بەرەتىنىن ايتىپ ءوتتى. جەڭىمپازدار سپورت مەكتەبىندە ءتالىم الاتىن بالالارعا شەبەرلىك سىنىبىن وتكىزدى. 84 كەلى سالماقتا التىن مەدال العان مىڭجاسار الپامىس:
– جالپى جارىس جوعارى دەڭگەيدە ءوتتى. جىگىتتەردە بارىن سالىپ كۇرەسىپ، ۇلكەن ناتيجەگە قول جەتكىزدى. گرەپپلينگتىن باسقا سپورتتان ايىرماشىلىعى، كۇرەسە وتىرىپ، اۋىتۋ، قىلقىندىرۋ ءتاسىلىن قولدانىپ جەڭىسكە جەتۋگە بولادى. الدا ءادىس تاسىلدەردى جەتىلدىرىپ، مۇنان دا جوعارى ناتيجە كورسەتۋگە تىرىسامىز، – دەيدى.
بەلىمەن جۇدىرىعى مىقتىلار عانا ەمەس، جۇرەگىندە تۇگى بار جىگىتتەر ب ا ق سىنايتىن دودادا، بابىڭ كەلىپ جەڭىپ جاتساڭ، تۇتاس ۇلتتىڭ ابىرويىن اسىراسىڭ. جەكپە-جەك سپورتىندا قىلقىندىرۋ ءتاسىلى ارقىلى جەڭىسكە جەتۋدى كوزدەيتىن گرەپپلينگ سپورتى سوزاق اۋدانىندا قازىعىن قاقتى. ەندى ناتيجە كۇتىڭىزدەر.
