Astana tórinde ótip jatqan Dúniejúzilik Kóshpendiler oiynynda qazaqstandyq 450 sheber Alaman quraq kórpeshesin quraý boiynsha álemdik rekord ornatyp, tarihi oqiǵa oryn aldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy, Sozaq aýdany, Shoqan Ýálihanov atyndaǵy jalpy bilim beretin mekteptiń kórkem eńbek pániniń muǵalimi Aqbilek Baitemirqyzy bar. Sozaqtyq muǵalim óte kúrdeli sanalatyn «Gaýhartas», «Synyq múiiz», «Alaman» quraq tehnikalary boiynsha 11200 sharshy metr bolatyn kórpeshe quraý boiynsha rekord ornatýshynyń biri bolyp tirkelip, «KINES» qazaqstandyq rekord kitabyna endi.
Aita keteiik, 8-14 qyrkúiek aralyǵynda Astana qalasynda ótip jatqan etnikalyq is-sharaǵa álemniń 89 elinen 4000-ǵa jýyq sportshy qatysýda. Bul kúnderi sporttyń 20-dan astam túrinen bólek, túrli halyqaralyq dárejedegi mádeni sharalar ótýde. Sharanyń maqsaty – ulttyq sportty dáripteý, týrizmdi jáne etnomádenietti damytý.
