Búgin Sozaq aýdany, Abai aýylynyń turǵyny Spataev Tólegenniń kótergen máselesi oń sheshimin taýyp, jańa baspanaǵa qol jetkizdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Eske sala ketsek, ótken jyly aýyl turǵyny Tólegen Spataev aýdan basshysynyń qabyldaýynda boldy. Páter bólýge kómek surap, áleýmettik máselesi boiynsha ótinishin jetkizdi.
Aýdan basshysy Abai aýylyna jasaǵan jumys saparynda ótinish iesiniń shańyraǵynda bolyp, otbasynyń tynys-tirshiligimen tanysqan.
Máseleniń sheshý jolyn aýyl qariialarymen birlese talqylady. Igi iske el bolyp atsalysý isi qaralyp, jańa úidiń irgetasy qalandy.
Aýyl turǵyndarynyń qamqorlyǵymen úidiń qabyrǵasy turǵyzylyp, qurylys jumystary júrgizildi. Turǵyn úi qurylysyn aiaqtaý úshin aýdandyq máslihat depýtaty Bazarbai Nurlanov bastaǵan birqatar kásipker de jumyla kirisip, búgin baspana iesi qonys toiyn toilady.
Igi sharaǵa aýdan ákimi Muhit Turysbekov arnaiy qatysty. Baspana iesin qonys toiymen quttyqtap, syi-siiapat tabys etti. Igi iske qoldaý bildirip, asa uiymshyldyq tanytqan aýyl aqsaqaldaryna, aǵa býyn ókilderi men muqtaj jannyń suranysyna sai eńbek etken barlyq azamatqa alǵysyn bildirdi.
Sharaǵa jinalǵan aýyl jurtshylyǵy izgi tilekterin arnap, baspana iesin quttyqtady.
