Sozaq aýdanynda aǵymdaǵy jyldyń 9 aıynda jalpy óńirlik ónim kólemi 285 mlrd 972 mln teńgeni qurap, ótken jyldyń tıisti kezeńimen salystyrǵanda 13,9 paıyzǵa ósken. Sondaı-aq, aýdan ekonomıkasyna 9 aıda 34 mlrd 206 mln teńge ınvestısıa tartyldy. Bul týraly brıfıńte Sozaq aýdanynyń ákimi Salyhan Polatov málimdedi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Aýdannyń aýyl sharýashylyǵy salasyndaǵy jalpy ónim kólemi 9 aıda 12 mlrd 545 mln 500 myń teńgege jetken.

– Aýyl sharýashylyǵynyń negizgi kapıtalyna 292,4 mln teńge ınvestısıa tartyldy. Aýdan boıynsha bıylǵy jyly 13 280 gektar alqapqa egis egildi. Onyń ishinde: 350 gektar – bıdaı, 1 230 gektar – arpa, 1 202 gektar – maqsary, 897 gektar – júgeri, 518 gektar – kartop, 506 gektar – kókónis, 508 gektar – baqsha, 8 069 gektar – mal azyǵy daqyldary. Sonymen qatar, Sholaqqorǵan, Sozaq, Syzǵan aýyl okrýgteriniń agroqrylymdary 186 gektar alqapqa jańbyrlatyp sýarý júıesin ornatty, – dedi Salyhan Sabyruly.



2021 jyldyń 9 aıynda jaıylymdardy sýmen qamtý maqsatynda 74 qudyq qazylyp, olarǵa 847 mln 640 myń 500 teńge sýbsıdıa tólengen.