Sozaq aýdanynyń ortalyǵy Sholaqqorǵanda 200 oryndyq «Sporttyq-saýyqtyrý» kesheniniń qurylysy júrgizilip jatyr. Osy rette aýdan ákimi Muhıt Turysbekov nysannyń qurylys jumystarymen tanysyp, merdiger mekemege keshendi ýaqytyly ári sapaly aıaqtaýdy tapsyrdy, dep habarlaıdy Dalanews.kz.
Búginde sport kesheniniń shatyryna metal qurylymyn ornatýmen qatar, sylaý jumystary atqarylýda. Keshenniń oqý-jattyǵý bazasy barlyq talaptarǵa saı jabdyqtalatyn bolady. Sondaı-aq, jańa nysan túrli oblystyq, respýblıkalyq jáne halyqaralyq sporttyq jarystardy ótkizýge qolaıly bolmaq. Eki qabattan turatyn ǵımaratta voleıbol, basketbol alańdarymen qatar, kúres, boksqa arnalǵan zal bar. Odan bólek, baseın jáne fýtbolmen aınalysý úshin ashyq sport alańy bolady. Keshen qurylysyn jyl sońyna deıin aıaqtaý josparlanǵan.
