«Ónerli ólke» oblystyq óner festivali aiasynda Túrkistan tórinde Sozaq aýdanynyń mádeniet kúnderi jalǵasýda, dep habarlaidy Dalanews.kz
Túrkistan oblysy ákiminiń baspasóz qyzmetine silteme jasap.
Buǵan deiin «Etnoaýyl» aýmaǵynda ulttyq dástúrimiz ben sportymyz ulyqtalsa, búgin salt-dástúrlerge bailanysty kórinister, ulttyq taǵamdar men qolóner sheberleri jasaǵan buiymdardan jáne aýdandyq aýyl sharýashylyǵy taýar óndirýshileriniń jármeńkesi ótti. «Teriskei – talanttar mekeni» atty aýdandyq «Myńjylqy» mádeniet saraiy ónerpazdarynyń kontserttik baǵdarlamasy, «Qyryq ótirik» taqyrybynda kóshe teatry stilindegi kórinis-qoiylym kópshilik nazaryna usynyldy.
Aýdan ónerpazdary jáne estrada juldyzdarynyń qatysýymen gala-kontsert ótip, túrki áleminiń rýhani astanasy ásem ánmen terbeldi.
Merekelik shara ári qarai kontserttik baǵdarlamaǵa ulasty. Aýdandyq «Myńjylqy» mádeniet úii ánshileri men «Ázil álemi» teatrynyń akteri Amanǵali Spabekov, tanymal estrada juldyzdary Zarina Omarova, Baǵdat pen Dima jáne RIO toby óz ónerlerin pash etip, myńburalǵan bishiler kópshiliktiń qoshemetine bólendi.
Sharany «Baidyń balalary» jaidarman tobynyń kapitany Nurym Dosbol jáne jaidarmanshy Janbolat Dosbol júrgizip, merekelik keshtiń ajaryn asha tústi.
