«ونەرلى ولكە» وبلىستىق ونەر فەستيۆالى اياسىندا تۇركىستان تورىندە سوزاق اۋدانىنىڭ مادەنيەت كۇندەرى جالعاسۋدا، دەپ حابارلايدى Dalanews.kz
تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇعان دەيىن «ەتنواۋىل» اۋماعىندا ۇلتتىق ءداستۇرىمىز بەن سپورتىمىز ۇلىقتالسا، بۇگىن سالت-داستۇرلەرگە بايلانىستى كورىنىستەر، ۇلتتىق تاعامدار مەن قولونەر شەبەرلەرى جاساعان بۇيىمداردان جانە اۋداندىق اۋىل شارۋاشىلىعى تاۋار وندىرۋشىلەرىنىڭ جارمەڭكەسى ءوتتى. «تەرىسكەي – تالانتتار مەكەنى» اتتى اۋداندىق «مىڭجىلقى» مادەنيەت سارايى ونەرپازدارىنىڭ كونسەرتتىك باعدارلاماسى، «قىرىق وتىرىك» تاقىرىبىندا كوشە تەاترى ستيلىندەگى كورىنىس-قويىلىم كوپشىلىك نازارىنا ۇسىنىلدى.
اۋدان ونەرپازدارى جانە ەسترادا جۇلدىزدارىنىڭ قاتىسۋىمەن گالا-كونسەرت ءوتىپ، تۇركى الەمىنىڭ رۋحاني استاناسى اسەم انمەن تەربەلدى.
مەرەكەلىك شارا ءارى قاراي كونسەرتتىك باعدارلاماعا ۇلاستى. اۋداندىق «مىڭجىلقى» مادەنيەت ءۇيى انشىلەرى مەن «ءازىل الەمى» تەاترىنىڭ اكتەرى امانعالي سپابەكوۆ، تانىمال ەسترادا جۇلدىزدارى زارينا وماروۆا، باعدات پەن ديما جانە RIO توبى ءوز ونەرلەرىن پاش ەتىپ، مىڭبۇرالعان بيشىلەر كوپشىلىكتىڭ قوشەمەتىنە بولەندى.
شارانى «بايدىڭ بالالارى» جايدارمان توبىنىڭ كاپيتانى نۇرىم دوسبول جانە جايدارمانشى جانبولات دوسبول جۇرگىزىپ، مەرەكەلىك كەشتىڭ اجارىن اشا ءتۇستى.
