Densaýlyq saqtaý mınıstrligi pnevmonıany, koronavırýstyq pnevmonıany jáne KVI-di úıde jáne ambýlatorlyq jaǵdaıda emdeýge arnalǵan medısınalyq hattamalarǵa bes negizgi farmasevtıkalyq dárilerdi engizedi. Bul týraly búgin Ortalyq komýnıkasıalar qyzmetinde ótken baspasóz máslıhatynda QR Densaýlyq saqtaý mınıstri Alekseı Soı aıtty, dep habarlaıdy Dalanews.kz. 

- Adamdar bul preparattardy kósheden izdep júrmesi úshin, aldyn ala biz pnevmonıany, koronavırýstyq pnevmonıany, KVI-di úıde jáne ambýlatorıada tikeleı emdeýge arnalǵan 5 negizgi farmasevtıkalyq dári-dármekti hatamaǵa qosý máselesin pysyqtaımyz. Qazir qajetti prosedýralar júrgizilip jatyr, emdeý hattamalary engizilýde, biz naýqastardyń aýrýhanaǵa barmaı-aq úıde alýǵa bolatyndaı etip dári-dármekpen qamtamasyz etý máselesimen aınalysyp jatyrmyz, - dedi ol.

Sonymen qatar, ol bólshek saýda jelilerine dári-dármek jetkizýdi bir jolǵa qoıý úshin barlyq kúsh-jiger jumsalǵanyn atap ótti.

- Bólshek saýda úshin biz Reseı men Úndistanǵa 6 reıs uıymdastyrdyq jáne Qazaqstanǵa 4 mıllıonnan astam qorap dári-dármek jetkizildi, sonymen qatar ár aımaq osy máselemen óz betinshe aınalysady, dáriniń qoljetimdiligin arttyrý úshin qosymsha ushaqtar reıske shyǵarylýda.

Keıbir jerlerde biz áli de belgili bir tapshylyqty kórip otyrmyz, biraq jalpy jaǵdaı turaqtandy. Biraq dári-dármek joq emes, kelip jatyr. Bul proses túzeledi, bizdiń kompanıalar naryqqa qajetti dári-dármekter ýaqytynda jetkiziledi dep oılaıdy, - dedi mınıstr.