دەنساۋلىق ساقتاۋ مينيسترلىگى پنيەۆمونيانى، كوروناۆيرۋستىق پنيەۆمونيانى جانە كۆي-دى ۇيدە جانە امبۋلاتورلىق جاعدايدا ەمدەۋگە ارنالعان مەديسينالىق حاتتامالارعا بەس نەگىزگى فارماسيەۆتيكالىق دارىلەردى ەنگىزەدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى Dalanews.kz. 

- ادامدار بۇل پرەپاراتتاردى كوشەدەن ىزدەپ جۇرمەسى ءۇشىن، الدىن الا ءبىز پنيەۆمونيانى، كوروناۆيرۋستىق پنيەۆمونيانى، كۆي-دى ۇيدە جانە امبۋلاتوريادا تىكەلەي ەمدەۋگە ارنالعان 5 نەگىزگى فارماسيەۆتيكالىق دارى-دارمەكتى حاتاماعا قوسۋ ماسەلەسىن پىسىقتايمىز. ءقازىر قاجەتتى پروسەدۋرالار جۇرگىزىلىپ جاتىر، ەمدەۋ حاتتامالارى ەنگىزىلۋدە، ءبىز ناۋقاستاردىڭ اۋرۋحاناعا بارماي-اق ۇيدە الۋعا بولاتىنداي ەتىپ دارى-دارمەكپەن قامتاماسىز ەتۋ ماسەلەسىمەن اينالىسىپ جاتىرمىز، - دەدى ول.

سونىمەن قاتار، ول بولشەك ساۋدا جەلىلەرىنە دارى-دارمەك جەتكىزۋدى ءبىر جولعا قويۋ ءۇشىن بارلىق كۇش-جىگەر جۇمسالعانىن اتاپ ءوتتى.

- بولشەك ساۋدا ءۇشىن ءبىز رەسەي مەن ءۇندىستانعا 6 رەيس ۇيىمداستىردىق جانە قازاقستانعا 4 ميلليوننان استام قوراپ دارى-دارمەك جەتكىزىلدى، سونىمەن قاتار ءار ايماق وسى ماسەلەمەن ءوز بەتىنشە اينالىسادى، ءدارىنىڭ قولجەتىمدىلىگىن ارتتىرۋ ءۇشىن قوسىمشا ۇشاقتار رەيسكە شىعارىلۋدا.

كەيبىر جەرلەردە ءبىز ءالى دە بەلگىلى ءبىر تاپشىلىقتى كورىپ وتىرمىز، ءبىراق جالپى جاعداي تۇراقتاندى. ءبىراق دارى-دارمەك جوق ەمەس، كەلىپ جاتىر. بۇل پروسەسس تۇزەلەدى، ءبىزدىڭ كومپانيالار نارىققا قاجەتتى دارى-دارمەكتەر ۋاقىتىندا جەتكىزىلەدى دەپ ويلايدى، - دەدى مينيستر.