- Qazir jaǵdai turaqty. Negizgi kórsetkishter tómendedi. Biraq biz kórshi jáne álemniń basqa da elderin baqylap otyrmyz. Italiiada, Ispaniiada, Germaniiada, Túrkiiada aýrýdyń kúrt ósimi baiqalýda. TMD-da ósim Qazaqstanǵa qaraǵanda 0,5%-ke joǵary. Sondyqtan biz koronavirýstyń kelesi tolqynyna daiyndalyp jatyrmyz, - dedi Tsoi.
Onyń aitýynsha, olar qazirgi ýaqytta bar 71 myńnan astam tósek-orynǵa qosymsha taǵy 10 257-sin ákelip ornalastyrmaq.
Ol búginderi eki iri emhana KVI naýqastardy qabyldaýǵa mamandanyp, jańǵyrtylyp jatqanyn, 3 640 mobildi top uiymdastyrylǵanyn, biylǵy epidemiialyq maýsymda aýrýhanalar 5 998 ókpege jasandy jolmen aýa beretin apparatpen qamsyzdandyrylatynyn aitty.
- Sanitarlyq kólik qyzmeti de qaita jaraqtandyrylyp jatyr. 1 167 birlik kólik qosymsha satyp alynady jáne óńirlerge jetkiziledi. Aýyldyq jerlerge kómek qoljetimdi bolýy úshin 100 jyljymaly meditsinalyq keshen, 53 rentgen apparaty shalǵai óńirlerge jiberiledi, - dedi ministr.
Ol sonymen qatar jańa epidemiialyq maýsymda tumaýǵa qarsy 2 199 990 doza ekpe qosymsha satyp alynǵanyn aitty.
- Qazir ol vaktsinalar aimaqtarǵa baryp tústi. 15 qyrkúiekten 15 qazanǵa deiin tumaýǵa qarsy jappai ekpe júrgiziledi. Keibir óńirler bul jumysty bastap ta ketti. Biz ártúrli elden jáne óndirýshi kompaniialardan KVI-ge qarsy 5 million 580 myń doza vaktsina satyp alý múmkindigin, ony Qazaqstan aýmaǵyna jetkizý máselelerimen de ainalysyp jatyrmyz. Sonymen qatar qazaqstandyq vaktsina máselesin de qarastyryp jatyrmyz, - dedi Densaýlyq saqtaý ministri.
