Bul týraly Baibektiń ókili Aijan Táshenova óziniń áleýmettik jelidegi paraqshasynda habarlady.
Keshe Almaty qalasy sotynyń apelliatsiiasy Áýezov aýdandyq №2 sotynyń Baibektiń ar-namysyn, abyroiyn jáne iskerlik bedelin qorǵaý jóninde J.Mamai men I.Imanbaevaǵa qarsy bergen talap-aryzy boiynsha sheshimin óz kúshinde qaldyrdy.
«Jariia túrde jala japqany úshin jaýapkershilikke tartý máselesi boiynsha quqyqtyq pretsedent jasaldy. Kináliler ózderiniń zańsyz áreketteri úshin laiyqty jazaǵa tartyldy. Jalań urandy jamylyp, basqalardy negizsiz kinálaýǵa eshkimge de jol berilmeidi.
«Jańa medianyń» ómirimizge jan-jaqty yqpalyn eskersek, jeke adamnyń, otbasynyń, balalary men týystarynyń quqyqtary men múddelerin qozǵaityn jáne qorlaityn jala jabý árkimniń de basyna túsýi múmkin», – dep jazdy zańger Aijan Táshenova óziniń Facebook paraqshasynda.
Sonymen qatar, ol bul protsesstiń qoǵamda quqyqtyq mádenietti arttyrýǵa, óz sózderi men is-áreketteri úshin jaýapkershilikti arttyrýǵa jasalǵan eleýli qadam ekenin aitty.
Osylaisha, jai ǵana posttar, BAQ pen anonim telegram-kanaldarda jariialanǵan habarlamalar, sondai-aq iske múlde qatysy joq túsiniksiz anyqtamalar men qujattardy jinap alyp kelgen Mamai men onyń sybailastary jeńilis tapty. Sot logika men faktilerge toly qujattar, saraptamalyq materialdar, zańnyń naqty tarmaqtaryna siltemeler keltirilgen talapker tarapynyń talabyn durys dep sheshti. Keshegi kúnnen bastap sot sheshimi kúshine engen.
Esterińizge salsaq, birinshi sot otyrysynda Janbolat Mamai men Inga Imanbai jeńilip, Baýyrjan Baibek týraly beinerolikterin óshirýge mindettelgen edi. Sondai-aq, olar jalpy somasy 800 myń teńgeden asatyn sot shyǵynyn óteýi tiis. Bul somany talapkerler osyǵan deiin aýtizmi bar balalarǵa qaiyrymdylyq kómek retinde joldaitynyn habarlaǵan edi.
