Ánshi Rústem Júginisovke 79 myń teńge aıyppul salyndy, dep habarlaıdy Dalanews.kz.

Astanadaǵy mamandandyrylǵan aýdanaralyq ákimshilik sot ánshi Rústem Júginisovti Ákimshilik kodekstiń 453-babyna sáıkes kináli dep tanyp, oǵan 78 640 teńge aıyppul saldy.

Sotta eki derek qaraldy:

Jańa jylǵa qatysty pikiri. 2023 jylǵy 31 jeltoqsanda Júginisov TikTok-ta "Jańa jyldy toılaý kerek pe?" degen suraq qoıyp, "paıǵambar da, ata-babalarymyz da bul meıramdy toılamaǵanyn" aıtqan.

Ekinshisi - Aqtóbedegi meshit oqıǵasy. Ánshi áleýmettik jelide taraǵan vıdeony talqylap, onda er adam "bir rettik neke" usynǵan qyzdy aıyptap, áıelderdiń meshitke tek ákesi ne baýyrynyń erip barýymen kelýin jón kóretinin aıtqan bolatyn.

Saraptama qorytyndysy:

Mamandardyń baǵalaýynsha, mundaı pikirler qoǵamda dinı alaýyzdyq týǵyzýy múmkin. Osyǵan baılanysty sot Júginisovke ákimshilik jaza qoldandy.