Búgin Qoneaevta jýrnalist Dýman Muhamedkárimniń soty bastaldy. Biraq sotqa BAQ ókilderi kirgizilmegen. Prokýror sot jabyq ótýin suraǵandyqtan sýdia ótinishti qanaǵattandyrǵan, - dep habarlaidy Dalanews.kz Azattyqqa siltep.
Alǵashqy otyrysta Dýman Muhamedkárimniń advokaty Jalǵas Saparhanova sýdiaǵa senimsizdik bildirdi. Buǵan qosa, qorǵaýshy sotty ashyq ótkizýdi jáne ispen tolyq tanysýdy surady. Dýman Muhammedkárim áli kúnge deiin aiyptaý aktisimen de, sot qujattarymen de tanyspaǵanyn aityp, sottan ispen tanysýǵa 15 kún berýdi jáne ózin úiqamaqqa shyǵarýdy surady. Biraq sot jýrnalisti úiqamaqqa shyǵarýdan bas tartty.
Alǵashqy otyrys bitken soń jýrnalist málimdeme jasady.
"Bul - meniń aiybym emes. Aiyppen qosylmaimyn. Meniń aýzymdy jabý úshin oidan qurastyrǵan aiyp", - dedi Dýman Muhammedkárim.
Sot otyrysyna jýrnalistiń jaqtastary kóptep kelgen. Biraq kóbi sot otyrysy ótip jatqan zalǵa kire almaǵan.Jinalǵandar "Bostandyq!" dep aiǵailaǵan.
Otyrystan soń advokat Saparhanova Dýman Muhammedkárimmen kezdesip shyqty. Qorǵaýshynyń aitýynsha, jýrnalisti Qonaev qalasynan Taldyqorǵan qalasyndaǵy qamaý izoliatoryna qaitadan alyp ketken.
"Dýmandy aldaǵy ýaqytta sotqa Taldyqorǵannan onlain qatystyrýy da múmkin. Dýman otyrystyń jabyq ótetinine, ózin Taldyqorǵanǵa alyp ketkenine narazy. Ol "meni sotqa onlain qossa tań qalmańyzdar" dep otyr, biraq Dýman kúresimdi jalǵastyramyn deidi. Bizge Qonaev qalasy politsiia departamentindegi ýaqytsha ustaý izoliatorynyń qyzmetkerleri sot 19 aqpannan 29 aqpanǵa aýystyrylǵanyn aitty" deidi Saparhanova.
Aita keteiik, "Ne Deidi" Youtube-kanalynyń avtory, jýrnalist Dýman Muhammedkárim "ekstremizmdi qarjylandyrdy" jáne "tyiym salynǵan uiymnyń jumysyna aralasty" degen kúdikpen qamaýǵa alynǵan. Iske jýrnalistiń shetelde turatyn "Qazaqstannyń demokratiialyq tańdaýy" qozǵalysynyń jetekshisi, oppozitsioner Muhtar Ábliazovtan alǵan suhbaty sebep bolǵan. Jýrnalist maýsymnan beri qamaýda otyr.
