Astananyń aýdanaralyq azamattyq ister jónindegi soty ótken jyldyń sońynda Erlan Nyǵmatýlinge tiesili birneshe kompaniiadaǵy úlesterge shekteý qoidy, dep habarlaidy Dalanews.kz.
"Sot sheshimi boiynsha Qaz Enrichment, Asia FerroAlloys, EkibastuzFerroAlloys jáne "Qarajyra" kompaniialaryndaǵy úlesterine tyiym salyndy", - deidi GosArhiv derekkózi.
Sot bul sheshimniń qai is boiynsha qabyldanǵanyn naqtylaǵan joq. Is jabyq formatta qaralǵandyqtan, onyń tolyq málimetteri jariialanbaidy.
Aita keteiik, jaqynda Bas prokýrordyń orynbasary Ǵalymjan Qoigeldiev eks-Májilis tóraǵasy Nurlan Nyǵmatýlinniń aǵasyna qatysty qylmystyq is boiynsha sońǵy málimetterdi jariialaǵan edi.
Onyń sózinshe, Arǵyn Nyǵmatýlinge qatysty Qaraǵandy oblysynyń hokkei klýbyna bólingen biýdjet qarajatyn jymqyrý faktisi boiynsha qylmystyq is qozǵalǵan.
«Arǵyn Nyǵmatýlinge qatysty Qaraǵandy oblysynyń hokkei klýbyna bólingen qarajatty jymqyrý faktisi boiynsha qylmystyq is tirkeldi. Ol qazir izdeýde», – dedi Ǵalymjan Qoigeldiev.
Buǵan deiin Antikor tóraǵasynyń orynbasary Darhan Quraqbaev májilistiń eks-spikeri Nurlan Nyǵmatýlinniń aǵasy Arǵyn Nyǵmatýlin Qazaqstanda joq ekenin aitqan bolatyn.
