Sot depýtat Rýslan Berdenovtiń ústinen shaǵymdanǵan býkmekerlik keńselerdiń talabyn qanaǵattandyrýdan bas tartty, - dep habarlaidy Dalanews.kz
Sot sheshimimen iskerlik bedeldi qorǵaý týraly talapty qanaǵattandyrýdan bas tartyldy. Astana qalasynyń azamattyq ister jónindegi aýdanaralyq soty "Qazaqstan Býkmekerler Assotsiatsiiasy" zańdy tulǵalar birlestiginiń jaýapker B.-ǵa qatysty aqparatty jalǵan jáne zańdy tulǵalardyń iskerlik bedeline nuqsan keltiredi dep taný týraly talap qoiýy boiynsha azamattyq isti qarady.
Talap qoiý jaýapkerdiń aqparat portaly arqyly azamattardyń qumar oiyndarǵa jumsaǵan qarajaty týraly birneshe ret jalǵan aqparat taratqany, dúniejúzilik densaýlyq saqtaý uiymy qumar oiyndarǵa táýeldilikti aýrý dep tanyǵany, alaida soǵan qaramastan býkmekerlik keńseler jarnamalaýdy jalǵastyrýda dep kórsetkenimen ýájdelgen.
Daýly basylymdarda Assotsiatsiia men onyń músheleriniń iskerlik bedeli tómendedi degen qorytyndy jasaýǵa múmkindik beretin aqparat bolmaǵandyqtan, sot talap qoiýdy qanaǵattandyrýdan bas tartty. Jariialanymdarda baǵyttalǵan naqty meken-jai kórsetilmegen.
Filologiialyq-psihologiialyq sraptama qorytyndysy boiynsha Assotsiatsiia men onyń múshelerine qatysty teris aqparat joq ekeni anyqtaldy.
Bul tujyrymdar sotta joqqa shyǵarylmady. Sheshim zańdy kúshine engen joq.
Aita keteiik, buǵan deiin "Qazaqstan býkmekerler qaýymdastyǵy" salany monopoliialandyrý jáne oǵan ÓKM úlgisi boiynsha "tespei soratyn" qurylym qurý ideiasyn usynǵan depýtatty sotqa beredi.
Májilis depýtattary 5 maýsymda ekinshi oqylymda "Oiyn biznesi, lotereia jáne lotereia qyzmeti máseleleri boiynsha" zań jobasyn qabyldady. Áý basta májilismender kez kelgen qurylymǵa úzildi-kesildi qarsy shyqty. Qumar oiyn jónindegi jumys tobynyń jetekshisi Elnur Beisenbaev stavkalardy esepke alý ortalyǵyn "eski Qazaqstannan" yqpaldy lobbisteriniń aila-amaly dep minberden málimdegen bolatyn.
