Tótenshe jaǵdaılar vıse-mınıstri Kegen Tursynbaev Almaty oblysynda joǵalyp ketken áskerı tikushaq týraly aıtty,- dep habarlaıdy Dalanews.kz.

"Sorbulaq aýmaǵynyń shamamen 50 paıyzyn tekserdik. Barlyq izdeý jumysy Qorǵanys mınıstrliginiń basshylyǵymen júrgizilip jatyr. Biz óz kúshimiz ben resýrstarymyzdy usyndyq. İzdeý jumystary tańnan kún batqanǵa deıin jalǵasyp jatyr. Sorbulaqtaǵy sýdyń tereńdigi 5-ten 25 metrge deıin jetedi. Túbi batpaq. Tipti bir metr tereńdikte eshteńe kórinbeıdi", - dep túsindirdi TJM ókili.

Eske salaıyq, buǵan deıin qorǵanys mınıstri Dáýren Qosanov Áýe qorǵanysy kúshteriniń joǵalǵan EC-145 tikushaǵyn izdeý jumystarymen tanysty.

Dáýren Qosanov joǵalǵan ushqyshtardyń týystarymen kezdesti. Mınıstr olarǵa qoldaý bildirip, operasıa táýlik boıy jalǵasatynyn, barlyq resýrs jumyldyrylǵanyn jáne áskerıler joldastaryn tabý úshin qoldan kelgenniń bárin jasaıtynyn aıtty.

İzdestirý operasıasyna 400-den asa adam, kınologıalyq toptar, 70-ten asa jerústi tehnıkasy, 21 júzý quraly, 10 UUA, eholottar, sýasty skanerleý quraldary jumyldyrylǵan.