توتەنشە جاعدايلار ۆيسە-مينيسترى كەگەن تۇرسىنبايەۆ الماتى وبلىسىندا جوعالىپ كەتكەن اسكەري تىكۇشاق تۋرالى ايتتى،- دەپ حابارلايدى Dalanews.kz.
"سوربۇلاق اۋماعىنىڭ شامامەن 50 پايىزىن تەكسەردىك. بارلىق ىزدەۋ جۇمىسى قورعانىس مينيسترلىگىنىڭ باسشىلىعىمەن جۇرگىزىلىپ جاتىر. ءبىز ءوز كۇشىمىز بەن رەسۋرستارىمىزدى ۇسىندىق. ىزدەۋ جۇمىستارى تاڭنان كۇن باتقانعا دەيىن جالعاسىپ جاتىر. سوربۇلاقتاعى سۋدىڭ تەرەڭدىگى 5-تەن 25 مەترگە دەيىن جەتەدى. ءتۇبى باتپاق. ءتىپتى ءبىر مەتر تەرەڭدىكتە ەشتەڭە كورىنبەيدى"، - دەپ ءتۇسىندىردى تجم وكىلى.
ەسكە سالايىق، بۇعان دەيىن قورعانىس ءمينيسترى داۋرەن قوسانوۆ اۋە قورعانىسى كۇشتەرىنىڭ جوعالعان EC-145 تىكۇشاعىن ىزدەۋ جۇمىستارىمەن تانىستى.
داۋرەن قوسانوۆ جوعالعان ۇشقىشتاردىڭ تۋىستارىمەن كەزدەستى. مينيستر ولارعا قولداۋ ءبىلدىرىپ، وپەراسيا تاۋلىك بويى جالعاساتىنىن، بارلىق رەسۋرس جۇمىلدىرىلعانىن جانە اسكەريلەر جولداستارىن تابۋ ءۇشىن قولدان كەلگەننىڭ ءبارىن جاسايتىنىن ايتتى.
ىزدەستىرۋ وپەراسياسىنا 400-دەن اسا ادام، كينولوگيالىق توپتار، 70-تەن اسا جەرۇستى تەحنيكاسى، 21 ءجۇزۋ قۇرالى، 10 ۇۇا، ەحولوتتار، سۋاستى سكانەرلەۋ قۇرالدارى جۇمىلدىرىلعان.
