Jiynǵa barlyǵy úsh myńǵa jýyq jumysshy qatysty. Kezdesýge qatysýshylardy barynsha qamtýǵa shalǵai aimaqtardaǵy kásiporyndardy betpe-bet kezdesýge onlain qosý arqyly qol jetkizildi.
Toptyń óndiristik josparlary is júzinde 100% oryndaldy. Atap aitqanda, esepti kezeńde 19,8 mln. tonnadan astam ken óndirildi, oryndalýy 99,4% -. qurady. 140,3 myń tonna katodty mys shyǵaryldy, bul josparlanǵan kólemniń 99,5% quraidy.
2024 jyly Jylandy ken ornyn igerý, Nurqazǵan ken baiytý kombinaty, Nurqazǵan kenishin qaita qurý, Jaisan kenishin jobalyq qýatyna jetkizý jáne Shatyrkól-Jaisań klasteriniń baiytý fabrikasynda kendi qaita óńdeýdi bastaý josparlanǵan.
«Qazaqmys» kompaniiasy men Ulytaý oblysy, Qaraǵandy jáne Jambyl oblystarynyń ákimdikteri arasynda áleýmettik baǵdarlamalardy júzege asyrý úshin 29,9 mlrd teńgege memorandýmdar jasaldy. Onyń ishinde 6,9 mlrd teńgeni quraityn jumystardyń alǵashqy kezegi aiaqtaldy. Olardyń qatarynda áleýmettik infraqurylym nysandary, týrizmdi, mádeniet pen sportty, turǵyn úi-kommýnaldyq sharýashylyq pen kólikti damytýǵa, sondai-aq eldi mekenderdi jalpy abattandyrýǵa baǵyttalǵan jobalar bar.
Kásiporyn qyzmetkerlerin áleýmettik qoldaý Ujymdyq shart jáne ataýly áleýmettik qoldaý baǵdarlamalary aiasynda júzege asyrylady. 2023 jyldyń 8 aiy ishinde 2,3 mlrd teńge kóleminde kómek kórsetildi. Ol az qamtylǵan jumysshylarǵa, múgedekterge, óndiriste qaza bolǵan jumysshylardyń otbasylaryna, ardagerlerge, zeinetkerlerge, balalarǵa (mektepke daiyndyq, demalys jáne saýyqtyrý) qoldaý kiredi.
Jiyn barysynda sońǵy úsh jylda kompaniiada jalpy jalaqy 82,3 paiyzǵa óskeni aityldy. Bul rette infliatsiia indeksi osy kezeńdegi jiyntyqta 43,1%-dy qurady. Osylaisha, «Qazaqmys» qyzmetkerleriniń jalaqysynyń ósimi eldegi infliatsiia indeksinen aitarlyqtai asyp tústi. Eger 2020 jyly ortasha jalaqy 326 196 teńge bolsa, 2023 jyly ol qazirdiń ózinde 646 215 teńgeni quraidy. Negizgi kásipter boiynsha eńbekaqy mólsheri boiynsha «Qazaqmys» ónerkásiptiń basqa kásiporyndary arasynda jetekshi oryn alady.
Qazaqstan qalalary ishinde ortasha nominaldy jalaqy deńgeii boiynsha «Qazaqmys» qatysatyn qalalar eń joǵary jalaqy alatyndardyń bestigine kiredi-úshinshi orynda Sátbaev, besinshi orynda Jezqazǵan qalasy tur.
2023 jyly Qazaqmysta jalaqy ósimi infliatsiia deńgeiinen asyp túskenine qaramastan, kompaniia basshylyǵy jumysshylardyń jalaqysyn 2024 jyldyń 1 qańtarynan bastap 7%-ǵa deiin kóterý týraly sheshim qabyldady.
Jalaqyny kóterý saralanǵan tártippen júzege asyrylady. Bul ár túrli kásipter men laýazymdar úshin ótemaqy ósimi ár túrli bolady degendi bildiredi. Jalaqynyń ósý paiyzy kásiporynnyń qyzmet túrine, jumystyń kúrdeliligine jáne qyzmetkerdiń mamandyǵyna bailanysty bolady.
Ónim shyǵarýǵa tikelei qatysy joq ákimshilik jáne basqarýshy personaldyń jalaqysynyń ósýi 2024 jyly áli kútilmeidi. Bul Astana, Qaraǵandy jáne Almaty qalalaryndaǵy servistik kompaniialar men keńse qyzmetkerlerine qatysty bolmaq.
