جيىنعا بارلىعى ءۇش مىڭعا جۋىق جۇمىسشى قاتىستى. كەزدەسۋگە قاتىسۋشىلاردى بارىنشا قامتۋعا شالعاي ايماقتارداعى كاسىپورىنداردى بەتپە-بەت كەزدەسۋگە ونلاين قوسۋ ارقىلى قول جەتكىزىلدى.
توپتىڭ وندىرىستىك جوسپارلارى ءىس جۇزىندە 100% ورىندالدى. اتاپ ايتقاندا، ەسەپتى كەزەڭدە 19،8 ملن. توننادان استام كەن ءوندىرىلدى، ورىندالۋى 99،4% -. قۇرادى. 140،3 مىڭ توننا كاتودتى مىس شىعارىلدى، بۇل جوسپارلانعان كولەمنىڭ 99،5% قۇرايدى.
2024 جىلى جىلاندى كەن ورنىن يگەرۋ، نۇرقازعان كەن بايىتۋ كومبيناتى، نۇرقازعان كەنىشىن قايتا قۇرۋ، جايسان كەنىشىن جوبالىق قۋاتىنا جەتكىزۋ جانە شاتىركول-جايساڭ كلاستەرىنىڭ بايىتۋ فابريكاسىندا كەندى قايتا وڭدەۋدى باستاۋ جوسپارلانعان.
«قازاقمىس» كومپانياسى مەن ۇلىتاۋ وبلىسى، قاراعاندى جانە جامبىل وبلىستارىنىڭ اكىمدىكتەرى اراسىندا الەۋمەتتىك باعدارلامالاردى جۇزەگە اسىرۋ ءۇشىن 29،9 ملرد تەڭگەگە مەموراندۋمدار جاسالدى. ونىڭ ىشىندە 6،9 ملرد تەڭگەنى قۇرايتىن جۇمىستاردىڭ العاشقى كەزەگى اياقتالدى. ولاردىڭ قاتارىندا الەۋمەتتىك ينفراقۇرىلىم نىساندارى، ءتۋريزمدى، مادەنيەت پەن سپورتتى، تۇرعىن ۇي-كوممۋنالدىق شارۋاشىلىق پەن كولىكتى دامىتۋعا، سونداي-اق ەلدى مەكەندەردى جالپى اباتتاندىرۋعا باعىتتالعان جوبالار بار.
كاسىپورىن قىزمەتكەرلەرىن الەۋمەتتىك قولداۋ ۇجىمدىق شارت جانە اتاۋلى الەۋمەتتىك قولداۋ باعدارلامالارى اياسىندا جۇزەگە اسىرىلادى. 2023 جىلدىڭ 8 ايى ىشىندە 2،3 ملرد تەڭگە كولەمىندە كومەك كورسەتىلدى. ول از قامتىلعان جۇمىسشىلارعا، مۇگەدەكتەرگە، وندىرىستە قازا بولعان جۇمىسشىلاردىڭ وتباسىلارىنا، ارداگەرلەرگە، زەينەتكەرلەرگە، بالالارعا (مەكتەپكە دايىندىق، دەمالىس جانە ساۋىقتىرۋ) قولداۋ كىرەدى.
جيىن بارىسىندا سوڭعى ءۇش جىلدا كومپانيادا جالپى جالاقى 82،3 پايىزعا وسكەنى ايتىلدى. بۇل رەتتە ينفلياسيا يندەكسى وسى كەزەڭدەگى جيىنتىقتا 43،1%-دى قۇرادى. وسىلايشا، «قازاقمىس» قىزمەتكەرلەرىنىڭ جالاقىسىنىڭ ءوسىمى ەلدەگى ينفلياسيا يندەكسىنەن ايتارلىقتاي اسىپ ءتۇستى. ەگەر 2020 جىلى ورتاشا جالاقى 326 196 تەڭگە بولسا، 2023 جىلى ول ءقازىردىڭ وزىندە 646 215 تەڭگەنى قۇرايدى. نەگىزگى كاسىپتەر بويىنشا ەڭبەكاقى مولشەرى بويىنشا «قازاقمىس» ونەركاسىپتىڭ باسقا كاسىپورىندارى اراسىندا جەتەكشى ورىن الادى.
قازاقستان قالالارى ىشىندە ورتاشا نومينالدى جالاقى دەڭگەيى بويىنشا «قازاقمىس» قاتىساتىن قالالار ەڭ جوعارى جالاقى الاتىنداردىڭ بەستىگىنە كىرەدى-ۇشىنشى ورىندا ساتبايەۆ، بەسىنشى ورىندا جەزقازعان قالاسى تۇر.
2023 جىلى قازاقمىستا جالاقى ءوسىمى ينفلياسيا دەڭگەيىنەن اسىپ تۇسكەنىنە قاراماستان، كومپانيا باسشىلىعى جۇمىسشىلاردىڭ جالاقىسىن 2024 جىلدىڭ 1 قاڭتارىنان باستاپ 7%-عا دەيىن كوتەرۋ تۋرالى شەشىم قابىلدادى.
جالاقىنى كوتەرۋ سارالانعان تارتىپپەن جۇزەگە اسىرىلادى. بۇل ءار ءتۇرلى كاسىپتەر مەن لاۋازىمدار ءۇشىن وتەماقى ءوسىمى ءار ءتۇرلى بولادى دەگەندى بىلدىرەدى. جالاقىنىڭ ءوسۋ پايىزى كاسىپورىننىڭ قىزمەت تۇرىنە، جۇمىستىڭ كۇردەلىلىگىنە جانە قىزمەتكەردىڭ ماماندىعىنا بايلانىستى بولادى.
ءونىم شىعارۋعا تىكەلەي قاتىسى جوق اكىمشىلىك جانە باسقارۋشى پەرسونالدىڭ جالاقىسىنىڭ ءوسۋى 2024 جىلى ءالى كۇتىلمەيدى. بۇل استانا، قاراعاندى جانە الماتى قالالارىنداعى سەرۆيستىك كومپانيالار مەن كەڭسە قىزمەتكەرلەرىنە قاتىستى بولماق.
