Elimizdi jailaǵan indetke deiin mektep aýlasy 25 mamyrda erekshe qulpyratyn. Júzderinen meirim shýaǵy tógilgen ustazdar shákirtteri usynǵan shoq gúlderin alyp, bir-birine izgi tilek, alǵystaryn bildirip, jergilikti ákimshilik pen Bilim basqarmasy tarapynan ókilder qatysyp, merekelik án-shashý, mektep valsi, kógershin ushyrý sharalary saltanatty sánimen jalǵasatyn... Biylǵy oqý jyly da qashyqtan oqý tártibine sáikes onlain rejiminde aiaqtalyp, sońǵy qońyraý soǵyldy.
«Órleý» BAUO» AQ filialy Almaty qalasy boiynsha Pedagogikalyq qyzmetkerlerdiń biliktiligin arttyrý institýtynyń ókilderi arnaiy silteme boiynsha №№12, 27, 83 gimnaziia, №№8, 54 litsei jáne №32 JBBM ZOOM platformasynda sońǵy qońyraýǵa arnalǵan is-sharalarǵa qatysty. Ýaqyt talabyna sáikes qashyqtan oqýǵa tóselip qalǵan mektep ujymy sońǵy qońyraýǵa aitarlyqtai daiyndyqpen, qomaqty jetistiktermen kelgeni anyq baiqalady. Mektep direktorlary da silteme boiynsha jinalystarǵa qatysyp, súiikti shákirtterine kóńil tolqytar ystyq lebiz, aq tilekterin jaýdyrdy.
Ǵasyrǵa jýyq tarihy bar Almaty qalasyndaǵy №12 Sh.Ýálihanov atyndaǵy kóp salaly gimnaziia jas túlekteri úshin arnaiy konferentsiia uiymdastyryp, synyp jetekshileriniń qysqasha mektep ómirindegi tarihynan syr shertetin prezentatsiialaryn kórsetti. Silteme boiynsha is-sharaǵa qatysqan ata-analar da uiasynan ushqaly turǵan balapandaryn aq jol tilep, muǵalimderge alǵystaryn aitty. Gimnaziia direktorynyń oqý isi jónindegi orynbasary Rahima Sákenova 11 jyl birge júrgen, bir synypta oqyǵan shákirtterine «bir-birińe baýyrmal bolyńdar, ushqan uiany umytpai, ustazdaryńdy qadirleńder,biikterden kórinińder, qanattaryń talmasyn», – dep Bilim aidynyndaǵy aq kemeniń aq tilegin tebirenispen jetkizdi.
Oqýshylar, ata-analar Muǵalimniń qoǵamdaǵy, adam ómirindegi, urpaq ósirýdegi róli naǵyz qurmetke laiyqty ekendigin baiandaityn óleńderin oqyp, rizashylyqtaryn bildirdi. Jas túlek! Qanatyń talmasyn, biikterge samǵaǵyn!
P. Asylbek
