«ورلەۋ» باۇو» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ وكىلدەرى ارنايى سىلتەمە بويىنشا №№12، 27، 83 گيمنازيا، №№8، 54 ليسەي جانە №32 جببم ZOOM پلاتفورماسىندا سوڭعى قوڭىراۋعا ارنالعان ءىس-شارالارعا قاتىستى. ۋاقىت تالابىنا سايكەس قاشىقتان وقۋعا توسەلىپ قالعان مەكتەپ ۇجىمى سوڭعى قوڭىراۋعا ايتارلىقتاي دايىندىقپەن، قوماقتى جەتىستىكتەرمەن كەلگەنى انىق بايقالادى. مەكتەپ ديرەكتورلارى دا سىلتەمە بويىنشا جينالىستارعا قاتىسىپ، سۇيىكتى شاكىرتتەرىنە كوڭىل تولقىتار ىستىق لەبىز، اق تىلەكتەرىن جاۋدىردى.
عاسىرعا جۋىق تاريحى بار الماتى قالاسىنداعى №12 ش.ءۋاليحانوۆ اتىنداعى كوپ سالالى گيمنازيا جاس تۇلەكتەرى ءۇشىن ارنايى كونفەرەنسيا ۇيىمداستىرىپ، سىنىپ جەتەكشىلەرىنىڭ قىسقاشا مەكتەپ ومىرىندەگى تاريحىنان سىر شەرتەتىن پرەزەنتاسيالارىن كورسەتتى. سىلتەمە بويىنشا ءىس-شاراعا قاتىسقان اتا-انالار دا ۇياسىنان ۇشقالى تۇرعان بالاپاندارىن اق جول تىلەپ، مۇعالىمدەرگە العىستارىن ايتتى. گيمنازيا ديرەكتورىنىڭ وقۋ ءىسى جونىندەگى ورىنباسارى راحيما ساكەنوۆا 11 جىل بىرگە جۇرگەن، ءبىر سىنىپتا وقىعان شاكىرتتەرىنە «بىر-بىرىڭە باۋىرمال بولىڭدار، ۇشقان ۇيانى ۇمىتپاي، ۇستازدارىڭدى قادىرلەڭدەر،بيىكتەردەن كورىنىڭدەر، قاناتتارىڭ تالماسىن»، – دەپ ءبىلىم ايدىنىنداعى اق كەمەنىڭ اق تىلەگىن تەبىرەنىسپەن جەتكىزدى.
وقۋشىلار، اتا-انالار ءمۇعالىمنىڭ قوعامداعى، ادام ومىرىندەگى، ۇرپاق وسىرۋدەگى ءرولى ناعىز قۇرمەتكە لايىقتى ەكەندىگىن باياندايتىن ولەڭدەرىن وقىپ، ريزاشىلىقتارىن ءبىلدىردى. جاس تۇلەك! قاناتىڭ تالماسىن، بيىكتەرگە سامعاعىن!
پ. اسىلبەك
