Solva Group Ózbekstanda mikroqarjy uiymyn ashýdy josparlap otyr. Bul týraly toptyń bas direktory Konstantin Barabanov Almatyda ótken baspasóz máslihatynda málimdedi, dep jazady Dalanews.kz.
"Bul protsestiń daiyndyǵy, mine bir jyldan astam ýaqyt boldy, júrgizilip jatqanyna. "Solva-nyń" Ózbekstanda iske qosylýy "Onlain Qazaqstan" JShS zańdy tulǵasyna aitarlyqtai qatysy joq", — dedi Konstantin Barabanov.
Onyń aitýynsha, qazir sońǵy kezeń – úilestirý jáne mikroqarjy qyzmetimen ainalysýǵa litsenziia alý ústinde.
"Sondyqtan Solva Group turǵysynan biz Ózbekstanda is júzinde ashyldyq dep aita alamyz", — deidi bas direktor.
Ol Solva-nyń ózbekstandyq biznesi Qazaqstandaǵydai bolatynyn aitady. Kompaniia úshin negizgi basymdyq shaǵyn jáne orta biznesti nesielendirý bolady, bul rette mikrokásipkerlerge den qoiylady.
Kompaniianyń aqparat baianynda el kásipkerleri úshin jeke IT-platforma ázirlengeni aitylady. Ózbekstanda 2025 jyldyń birinshi nemese ekinshi toqsanynda mikroqarjylyq qyzmet litsenziiasy berilip qalady dep kútiledi. MQU Ózbekstandaǵy mikro biznesti nesieleýmen 2025 jyldyń sońyna taiaý, múmkin 2026-2027 jyldary ainalysatyn bolady.
KASE derekteri boiynsha, 2024 jylǵy 1 qazandaǵy jaǵdai boiynsha Solva Group LTD jekemenshik kompaniiasy bankke ainalýdy josparlap otyrǵan Solva brendimen tanymal "Onlain-Qazqarjy" MQU-ǵa (13%) tiesili. MQU-daǵy 75% úles "SOLVA CAPITAL" JShS, 12% - Neo Crystal Holdings Ltd jekemenshik kompaniiasynyń menshiginde. "MQU-daǵy eń iri úlesterge Boris Batin men Aleksandr Dýnaev ie", delingen atalǵan qarjylyq uiymnyń 2023 jylǵy qarjy esebinde.
Buǵan deiin atalǵan mikroqarjylyq uiymnyń bank bolǵysy kelip jatqanyn jazǵan edik.
