Solva Group وزبەكستاندا ميكروقارجى ۇيىمىن اشۋدى جوسپارلاپ وتىر. بۇل تۋرالى توپتىڭ باس ديرەكتورى كونستانتين بارابانوۆ الماتىدا وتكەن باسپا ءسوز ءماسليحاتىندا مالىمدەدى، دەپ جازادى Dalanews.kz.
"بۇل پروسەستىڭ دايىندىعى، مىنە ءبىر جىلدان استام ۋاقىت بولدى، جۇرگىزىلىپ جاتقانىنا. "Solva-نىڭ" وزبەكستاندا ىسكە قوسىلۋى "ونلاين قازاقستان" ج ش س زاڭدى تۇلعاسىنا ايتارلىقتاي قاتىسى جوق"، — دەدى كونستانتين بارابانوۆ.
ونىڭ ايتۋىنشا، ءقازىر سوڭعى كەزەڭ – ۇيلەستىرۋ جانە ميكروقارجى قىزمەتىمەن اينالىسۋعا ليسەنزيا الۋ ۇستىندە.
"سوندىقتان Solva Group تۇرعىسىنان ءبىز وزبەكستاندا ءىس جۇزىندە اشىلدىق دەپ ايتا الامىز"، — دەيدى باس ديرەكتور.
ول Solva-نىڭ وزبەكستاندىق بيزنەسى قازاقستانداعىداي بولاتىنىن ايتادى. كومپانيا ءۇشىن نەگىزگى باسىمدىق شاعىن جانە ورتا بيزنەستى نەسيەلەندىرۋ بولادى، بۇل رەتتە ميكروكاسىپكەرلەرگە دەن قويىلادى.
كومپانيانىڭ اقپارات بايانىندا ەل كاسىپكەرلەرى ءۇشىن جەكە IT-پلاتفورما ازىرلەنگەنى ايتىلادى. وزبەكستاندا 2025 جىلدىڭ ءبىرىنشى نەمەسە ەكىنشى توقسانىندا ميكروقارجىلىق قىزمەت ليسەنزياسى بەرىلىپ قالادى دەپ كۇتىلەدى. مقۇ وزبەكستانداعى ميكرو بيزنەستى نەسيەلەۋمەن 2025 جىلدىڭ سوڭىنا تاياۋ، مۇمكىن 2026-2027 جىلدارى اينالىساتىن بولادى.
KASE دەرەكتەرى بويىنشا، 2024 جىلعى 1 قازانداعى جاعداي بويىنشا Solva Group LTD جەكەمەنشىك كومپانياسى بانككە اينالۋدى جوسپارلاپ وتىرعان Solva برەندىمەن تانىمال "ونلاين-قازقارجى" مقۇ-عا (13%) تيەسىلى. مقۇ-داعى 75% ۇلەس "SOLVA CAPITAL" ج ش س، 12% - Neo Crystal Holdings Ltd جەكەمەنشىك كومپانياسىنىڭ مەنشىگىندە. "مقۇ-داعى ەڭ ءىرى ۇلەستەرگە بوريس باتين مەن الەكساندر دۋنايەۆ يە"، دەلىنگەن اتالعان قارجىلىق ۇيىمنىڭ 2023 جىلعى قارجى ەسەبىندە.
بۇعان دەيىن اتالعان ميكروقارجىلىق ۇيىمنىڭ بانك بولعىسى كەلىپ جاتقانىن جازعان ەدىك.
