Soltústik Qazaqstanda 234 úidi sý basqan
Soltústik Qazaqstan oblysynda sý astynda qalǵan 44 úi bar dep habarlaidy aimaqtyq tótenshe jaǵdailar departamenti.
Ondaǵy málimet boiynsha, Qyzyljar aýdanyndaǵy Teplichnyi aýylynan 20 myń 800 tekshe metr, Pribrejnyi aýylynan 3 myń 200 tekshe metr sý soryp shyǵarylǵan. Petropavl qalasynyń irgesindegi Zarechnyi aýylynan 6 myń 69 tekshe metr, Bylǵary zaýyt shaǵyn aýdanynan 15 myń 141 tekshe metr, Oiqala shaǵyn aýdanynda 24 myń 750 tekshe metr sý soryp alynǵan. 16 mamyr kúngi aqparat boiynsha Esil ózenindegi Sergeev bógeninde sý deńgeii 6 santimetrge tómendegen.
11 mamyr kúngi resmi aqparat boiynsha 234 úidi sý basyp turǵan bolatyn.
SQO biligi men tótenshe jaǵdailar qyzmeti óńirde sý deńgeii tómendep kele jatqanyn buǵan deiin de habarlaǵan. Biraq turǵyndar sýdyń beti qaityp jatyr degenge senbeitinin aitqan.
