Sot atalǵan otbasyǵa qatysty qylmystyq isti Qylmystyq kodekstiń 180 baby 2 tarmaǵy boiynsha qarady (Telekommýnikatsiia jelilerin paidalana otyryp, Qazaqstan Respýblikasynyń birligi men tutastyǵyn, onyń aýmaǵyna qol suǵylmaýshylyq pen bólinbeýshilikti jáne memlekettiń ydyraýyn nasihattaý).
Is materialdarynda kórsetilgendei, erli-zaiyptylar áleýmettik jelilerde Soltústik Qazaqstan oblysyn Resei Federatsiiasyna qosylýyna qatysty «Qazaqstan Respýblikasynyń birtutastyǵyn saqtaý bóliginde saiasi jáne áleýmettik táýekelderge ákep soqtyratyn áleýmettik qaýipti málimdemeler» jasaǵan.
Olar mundai úndeýdi «Chat rýletka» qosymshasynda jasaǵan. Ol búkil álem qoldanýshylarymen video arqyly bailanysýǵa múmkindik beretin tanymal servis.
«Erli-zaiyptylaryna taǵylǵan kiná is materialdarymen rastalady. Sottalýshylar kinásin qansha moiyndamaǵanymen, erli-zaiyptylardyń kinási dáleldendi. Iske qylmystyq quqyq buzýshylyqtyń jasalý barysy jazylǵan jáne keshendi sot-psihologiialyq-filologiialyq saraptamasy júrgizilgen beinejazba tirkeldi» delingen Soltústik Qazaqstan oblysy sotynyń baspasóz qyzmeti taratqan málimette.
Sot olardy kináli dep tanyp, sottalýshylardyń árqaisysyn bes jylǵa bas bostandyǵynan aiyrý jazasyn taǵaiyndady. Olar jazasyn qylmystyq-atqarý júiesiniń qaýipsizdigi ortasha mekemesinde óteidi.
