سوت اتالعان وتباسىعا قاتىستى قىلمىستىق ءىستى قىلمىستىق كودەكستىڭ 180 بابى 2 تارماعى بويىنشا قارادى (تەلەكوممۋنيكاسيا جەلىلەرىن پايدالانا وتىرىپ، قازاقستان رەسپۋبليكاسىنىڭ بىرلىگى مەن تۇتاستىعىن، ونىڭ اۋماعىنا قول سۇعىلماۋشىلىق پەن بولىنبەۋشىلىكتى جانە مەملەكەتتىڭ ىدىراۋىن ناسيحاتتاۋ).
ءىس ماتەريالدارىندا كورسەتىلگەندەي، ەرلى-زايىپتىلار الەۋمەتتىك جەلىلەردە سولتۇستىك قازاقستان وبلىسىن رەسەي فەدەراسياسىنا قوسىلۋىنا قاتىستى «قازاقستان رەسپۋبليكاسىنىڭ ءبىرتۇتاستىعىن ساقتاۋ بولىگىندە ساياسي جانە الەۋمەتتىك تاۋەكەلدەرگە اكەپ سوقتىراتىن الەۋمەتتىك ءقاۋىپتى مالىمدەمەلەر» جاساعان.
ولار مۇنداي ۇندەۋدى «چات رۋلەتكا» قوسىمشاسىندا جاساعان. ول بۇكىل الەم قولدانۋشىلارىمەن ۆيدەو ارقىلى بايلانىسۋعا مۇمكىندىك بەرەتىن تانىمال سەرۆيس.
«ەرلى-زايىپتىلارىنا تاعىلعان كىنا ءىس ماتەريالدارىمەن راستالادى. سوتتالۋشىلار كىناسىن قانشا مويىنداماعانىمەن، ەرلى-زايىپتىلاردىڭ كىناسى دالەلدەندى. ىسكە قىلمىستىق قۇقىق بۇزۋشىلىقتىڭ جاسالۋ بارىسى جازىلعان جانە كەشەندى سوت-پسيحولوگيالىق-فيلولوگيالىق ساراپتاماسى جۇرگىزىلگەن بەينەجازبا تىركەلدى» دەلىنگەن سولتۇستىك قازاقستان وبلىسى سوتىنىڭ باسپا ءسوز قىزمەتى تاراتقان مالىمەتتە.
سوت ولاردى كىنالى دەپ تانىپ، سوتتالۋشىلاردىڭ ءارقايسىسىن بەس جىلعا باس بوستاندىعىنان ايىرۋ جازاسىن تاعايىندادى. ولار جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيدى.
