2024 jyldyń qazanynan osy jyldyń qańtaryna deiin Soltústik Aral teńizine 1 mlrd tekshe metr sý jiberildi, dep habarlaidy Dalanews.kz.
Bul josparlanǵan kólemnen 100 mln tekshe metrge artyq.
2025 jyldyń sońyna qarai teńizdegi sý kólemi 23,4 mlrd tekshe metrge deiin jetedi dep kútilýde.
Qyzylorda oblysynyń kúrish alqaptaryn lazerlik josparlaýshymen tegisteý jáne sý únemdeý tehnologiialaryn paidalaný shamamen 200 mln tekshe metr sý únemdep, ony Soltústik Aralǵa jiberýge múmkindik berdi.
Ortasha ónimdilik gektaryna 40-55 tsentnerden 70-80 tsentnerge deiin artty.
Úlken Aral teńiziniń tartylǵan aýmaǵyn qalpyna keltirý úshin 4,4 mln kóshet otyrǵyzyldy.
2025 jyldyń sońyna qarai Aral teńizi tabanyn kógaldandyrýdyń jalpy kólemi 1,1 mln gektarǵa jetýi tiis.
Eske salaiyq, buǵan deiin Araldyń qurǵaq aimaqtaryna orman otyrǵyzylatynyn habarlaǵan edik.
Jobada KATKO, frantsýz memlekettik kompaniiasy «Orano Mining SA» men «Qazatomónerkásip» UAK» aktsionerlik qoǵamynyń birlesken kásiporny jáne basqa da ulttyq jáne jeke kompaniialar orman otyrǵyzý jumystaryn uiymdastyrýda belsendi qatysýda. Jobanyń negizgi maqsaty – jerlerdiń odan ári degradatsiiasynyń aldyn alý, ekologiialyq jaǵdaidy jaqsartý.
Búgingi kúnge nátijeler:
- 522 tonna tuqym jinaqtaldy.
- 2024 jylǵy 16-30 jeltoqsan aralyǵynda 12 000 gektarǵa egin egý jumystary júrgizildi.
- 2025 jylǵy qańtar men aqpan ailarynda 108 000 gektarǵa egin egý josparlanýda.
- 2025 jylǵy naýryzda 16 492 gektarǵa sekseýil tuqymdas aǵashtar otyrǵyzý josparlanǵan.
