Reisterdi toqtatý, ázirge 8 mamyrǵa ǵana qatysty. Áýe kompaniia qazaqstandyqtardy Úndistannan otanyna oralý úshin balamaly baǵyttar boiynsha repatriatsiialyq reisterdi uiymdastyrý múmkindigin qarastyryp jatyr, dep habarlaidy Dalanews.kz.
Air Astana áýe kompaniiasy Úndistan men Pákistan arasyndaǵy áýe keńistiginiń jabylýyna bailanysty 8 mamyrda Almatydan Delige jáne keri qaraiǵy reisterdi toqtatty.
"Úndistan men Pákistan arasyndaǵy áýe keńistiginiń jabylýyna bailanysty Air Astana áýe kompaniiasy 8 mamyrdaǵy Almaty – Deli – Almaty baǵyty boiynsha KC 907/908 reisterin toqtatýǵa májbúr. Toqtatylǵan reisterdiń jolaýshylaryna biletter quny tolyqtai qaitarylady", - dep habarlady Air Astana.
Qazir áýe kompaniia Qazaqstan azamattary men Air Astana-nyń basqa da jolaýshylaryn elge qaitarý úshin balamaly baǵyttar boiynsha repatriatsiialyq reisterdi uiymdastyrý múmkindigin qarastyrýda.
"Biz jaǵdaidyń qalai qarai oiysatynyn muqiiat baqylap otyrmyz jáne jolaýshylardy bolyp jatqan kez kelgen ózgeristerden jedel habardar etýge tyrysamyz", – dep atap ótti áýe kompaniia.
Aita ketsek, 7 mamyrǵa qaraǵan túni baqylaýǵa jatatyn syzyqta Úndistan men Pákistan arasynda atys bastaldy. Zymyrandar da iske qosyldy. Odan keiin Úndistan "Sindýr" operatsiiasyn bastap ketti. Úndistannyń Pendjab jáne Pákistannyń Kashmir eldimekenderinde bolǵan atys saldarynan 31 adam qaza taýyp, taǵy birneshe ondaǵan adam jaraqat aldy.
Jalpy, Úndistan men Pákistan arasyndaǵy shielenis 2025 jyly 22 sáýirde Kashmirde bolǵan teraktiden keiin ýshyǵa tústi. Ol kezde 26 adam qaza tapqan edi.
