Smaiylov úkimeti jeńildetilgen avtonesie baǵdarlamasyn bekitti
«Qazirgi ýaqytta jeńildetilgen avtonesie baǵdarlamasyn júzege asyrý úshin «Jasyl damý» AQ-dan qajetti qarajatty aýdarýǵa bailanysty protsedýralar júrgizilip jatyr», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, elimizde 2015 jyldan beri jeńildetilgen avtonesie baǵdarlamasy jumys isteidi. 2021 jyldyń mamyryna deiin 82 mlrd teńge bóligip, osy jyldyń 31 naýryzyndaǵy derekterge sáikes, atalǵan somaǵa 30 myń kólik satyp alyndy jáne 162 mlrd teńgege zaim berildi.
«Jeńildetilgen avtonesie alýǵa niet tanytýshylar tarapynan suranystyń joǵary ekendigin eskere otyryp, ekinshi deńgeili bankter jańa ótinimder qabyldap jatyr. Biraq, qarajat olardyń bosaýyna orai beriletin bolady. Baǵdarlama Halyq bank, Eýraziialyq bank, Jýsan Bank, Tsentrkredit bank jáne Forte bank syndy ekinshi deńgeili bankter arqyly júzege asyrylady», - dedi komitet tóraǵasynyń orynbasary.
Oljas Saparbekovtyń aitýynsha, Qazaqstan Úkimeti 2022 jyldyń 15 sáýirinde №227 qaýly qabyldady. Atalǵan qujat avtonesie baǵdarlamasyn 100 mlrd teńge tólsherinde qarjylandyrýdy qarastyrady.
Sonymen qatar «Jasyl damý» AQ qarajaty esebinen 30 mlrd teńge avtobýs parkin jańartýǵa jumsalady.
Baǵdarlamanyń negizgi sharttary mynadai:
- Bir jeńil avtokólikti qarjylandyrý somasy 10 mln teńgeden aspaidy;
- Bir zaemshi eki jyldyń ishinde bir ret qana avtokólikti jeńildetilgen nesiemen ala alady;
- qarjylandyrý merzimi 7 jyldan aspaidy;
- bastapqy jarnasy 0%;
- kólik quralynyń quny 15 mln teńgeden aspaýy qajet.
