«قازىرگى ۋاقىتتا جەڭىلدەتىلگەن اۆتونەسيە باعدارلاماسىن جۇزەگە اسىرۋ ءۇشىن «جاسىل دامۋ» اق-دان قاجەتتى قاراجاتتى اۋدارۋعا بايلانىستى پروسەدۋرالار جۇرگىزىلىپ جاتىر»، - دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، ەلىمىزدە 2015 جىلدان بەرى جەڭىلدەتىلگەن اۆتونەسيە باعدارلاماسى جۇمىس ىستەيدى. 2021 جىلدىڭ مامىرىنا دەيىن 82 ملرد تەڭگە بولىگىپ، وسى جىلدىڭ 31 ناۋرىزىنداعى دەرەكتەرگە سايكەس، اتالعان سوماعا 30 مىڭ كولىك ساتىپ الىندى جانە 162 ملرد تەڭگەگە زايم بەرىلدى.
«جەڭىلدەتىلگەن اۆتونەسيە الۋعا نيەت تانىتۋشىلار تاراپىنان سۇرانىستىڭ جوعارى ەكەندىگىن ەسكەرە وتىرىپ، ەكىنشى دەڭگەيلى بانكتەر جاڭا وتىنىمدەر قابىلداپ جاتىر. ءبىراق، قاراجات ولاردىڭ بوساۋىنا وراي بەرىلەتىن بولادى. باعدارلاما حالىق بانك، ەۋرازيالىق بانك، Jýsan Bank، سەنتركرەديت بانك جانە فورتە بانك سىندى ەكىنشى دەڭگەيلى بانكتەر ارقىلى جۇزەگە اسىرىلادى»، - دەدى كوميتەت ءتوراعاسىنىڭ ورىنباسارى.
ولجاس ساپاربەكوۆتىڭ ايتۋىنشا، قازاقستان ۇكىمەتى 2022 جىلدىڭ 15 ساۋىرىندە №227 قاۋلى قابىلدادى. اتالعان قۇجات اۆتونەسيە باعدارلاماسىن 100 ملرد تەڭگە تولشەرىندە قارجىلاندىرۋدى قاراستىرادى.
سونىمەن قاتار «جاسىل دامۋ» اق قاراجاتى ەسەبىنەن 30 ملرد تەڭگە اۆتوبۋس پاركىن جاڭارتۋعا جۇمسالادى.
باعدارلامانىڭ نەگىزگى شارتتارى مىناداي:
- ءبىر جەڭىل اۆتوكولىكتى قارجىلاندىرۋ سوماسى 10 ملن تەڭگەدەن اسپايدى؛
- ءبىر زاەمشى ەكى جىلدىڭ ىشىندە ءبىر رەت قانا اۆتوكولىكتى جەڭىلدەتىلگەن نەسيەمەن الا الادى؛
- قارجىلاندىرۋ مەرزىمى 7 جىلدان اسپايدى؛
- باستاپقى جارناسى 0%؛
- كولىك قۇرالىنىڭ قۇنى 15 ملن تەڭگەدەن اسپاۋى قاجەت.
