Biyl Jambyl oblysyndaǵy sharýalarǵa qyryǵyzdar ýaqytynda sý bermei, ábden shyǵynǵa batty. Munyń sońy Aýyl sharýashylyǵy ministri bolǵan eks-ministr Erbol Qarashókeevtiń sý jetpei jatqan aimaqqa ákim retinde «aidaýǵa» jeberilip, Jambyl oblysyndaǵy sharýalarǵa ýayqytynda sýmen qamtamasyz ete almaǵan Nurjan Nurjigitovtyń Sý resýrstary jáne irrigatsiia ministri bolyp taǵaiyndalýymen aiaqtalǵany bárimiz bilemiz.
Osyǵan deiin sý máselesin sheshe almaǵan qos shendi aldaǵy ýaqytta bul máseleni qalai sheshetinin kózge elestetýdiń ózi qiyn. Olardyń jumysyn aldaǵy ýaqytta óz baqylaýymyzda ustaityn bolamyz.
Endi Úkimet úiinde ótken otyrysqa qaita oralsaq, Álihan Smaiylov aýa-raiynyń qolaisyzdyǵynan japa shekken sharýalarǵa atqarýshy bilik qoldaý kórsetetin qadap turyp aitty. Ol qandai qoldaý? Álihan Smaiylov bylaisha oiyn ortaǵa saldy:
– «Báiterek» holdingi nesieler boiynsha qaryzdardy qaita qurylymdap, qolaisyz aýa-raiynan zardap shekken fermerler úshin aiyppul sanktsiialaryn salmai, Azyq-túlik korporatsiiasynyń jelisi arqyly taýarlyq nesie merzimderin uzartyp otyr. Aýa-raiynyń qolaisyzdyǵy fors-majorlyq jaǵdai retinde tanylýy tiis. Sýbsidiialardy tolyq kólemde tóleý kerek, – dedi Premer.
Bizdiń túsinýimizshe, «Báiterek» holdingine qarasty Azyq-túlik korporatsiiasynan nesie alyp, egin ekken sharýalar nesiesin ýaqytynda tólei almaǵan jaǵdaida aiyppul salmai «úú-ll-kk-ee-nnn» qoldaý kórsetpekshi eken.
Budan basqa sharýalar alýǵa tiis sýbsidiialaryn tolyq kólemde ala beretin bolypty. Úkimet osylaisha sý tapshylyǵy men eginin kiik taptap ketken sharýalarǵa qoldaý kórsetpekshi.
Shyndyǵynda muny qoldaý dep dabyra qylyp aitýǵa da kelmeidi. Shyǵyn shekken sharýalardyń arasynda óz kúshimen egin ekken sharýalar da bar ǵoi. Olar nesie almaǵandyqtan Úkimettiń «qoldaýynyń» qyzyǵyn kórmeitini anyq.
Smailov Úkimeti «sýbsidiia berýdiń toqtatpaimyz» deidi. Sýbsidiiayńyz anaý aitqanda kóp qarjy emes. Ony alý úshin qarjylyq qurylymdar qyrýar anyqtama qaǵaz suraýy múmkin.
Bilemiz ǵoi, bizdiń Úkimettiń qoldaýyna ie bolý úshin bir qushaq qaǵaz qujat jinaýyńa týra keledi. Sondyqtan aýa-raiynyń qolaisyzdyǵynan japa shekken sharýalardyń bári birdei Úkimettiń kómegine qol jetkizedi dep kesip aitý qiyn.
Úkimet elimizdegi bank salasy tyǵyryqqa tirelgende olardy qutqarý úshin milliardttap qarjy bólip, jomarttyq tanytqanyn bilemiz. Al azǵantai sharýa tyǵyryqqa tirelgende olarǵa sol qarjynyń bir shiregin bólýge jarmaǵandary janǵa batady. Bar qarjysyn basqa jaqqa... aýdaryp jibergen bankterge qarjy salyp, olardy qutqarýǵa kelgende Úkimettiń aldyna qara saldyrmaidy. Osy ádiletti me? Árine ádiletsiz áreket.
Shendilerdiń kesirinen sý tapshylyǵyna urynyp, shyǵynǵa batqan sharýalarǵa qarjylai qoldaý kórsetýge jarmaǵan Smailov Úkimeti halyqty ushpaqqa shyǵarady degenge osydan keiin kim senedi. Eshkimde senbesi anyq.
Elimizdiń aýzyq-túlik qaýipsizdigin qamtamasyz etip otyrǵan sharýalardyń qiyn jaǵdaida qalýy memleketimiz úshin úlken qater ekenin bes jasar bala da biledi. Al jumysyn durys uiymdastyra almaǵan birneshe banktyń bankrot bolsa, halyq zardap shekpeitini belgili. Zardap shekse at tóbelindei azǵantai toptyń qaltasy shamaly juqalanyp qalar edi.
Osy bir jaittan-aq Úkimettiń memlekettik prioritetti durys tańdai almaǵan, dármensizdigin anyq baiqaýǵa bolady. Bul memleketimiz úshin qaýipti qubylys.
