Májilis depýtaty Ermurat Bapi Eski Qazaqstan tusynda da bolǵan qazirgi keibir sheneýnikterdiń is-áreketine baǵa berdi, - dep habarlaidy Dalanews.kz.
Onyń pikirinshe, Skliarǵa Eski Qazaqstannyń yqpaly bolýy ábden múmkin.
"Skliarǵa degen múddelilik saiasi biliktiń tarapynda bar. Bir jaman oiym, Eski Qazaqstannyń yqpaly bar ma dep oilaimyn. Ol Eski Qazaqstannyń kezinde keldi, sodan qalyptasyp qaldy. Sol kezde vitse-premer boldy. Sodan birinshi vitsege jetti", - dedi ol.
Depýtat qazir premer-ministrdiń orynbasary bolyp otyrǵan, birqatar laýazymdy qyzmet atqarǵan Tamara Dúisenovaǵa qatysty da pikir bildirdi.
"Birinshiden, Tamara Dúisenova - bilikti ári taza adam. Ol - bilikti, bilimdi, sodan keiin óziniń isine taza, artynda shubyrǵan korrýptsiialyq janjal joq, týra júretin azamat.
Ekinshiden, Tamara Dúisenova basqaratyn salanyń bárin ońaltyp jiberýge jalǵyz Dúisenovanyń shamasy jetpeidi. Bul áleýmettik sala ǵoi. Memlekettik biýdjettiń 50 paiyzdan astamy áleýmettik salaǵa baǵyttalǵan. Sonyń ózinde áleýmettik jaǵdaiymyzdy sheshe almai jatyrmyz. Sondyqtan osy turǵydan Tamara Dúisenovaǵa qatysty máseleni masshabty turǵyda qaraý kerek. Ol jerde pensiia, densaýlyq, bilim - bári bar. Qoǵamnyń, qazaqtyń máselesiniń bári Tamara Dúisenovanyń qolynda tur. Sondyqtan jalǵyz ózi qyryp tastamady eken dep jazǵyratyndai emes", - dedi depýtat.
Ermurat Bapi Tótenshe jaǵdailar ministrligin basqaryp otyrǵan Shyńǵys Árinovtiń jumysyna da baǵa berdi.
"Bizde ministr, ákim degen laýazym saiasi tulǵa bolýy kerek. Naqty sol salanyń mamany bolýy mindet emes. Sol salanyń máselesiniń bárin biriktirip, sonyń saiasatyn qozǵaityn, mańyna komanda toptastyryp, jumys isteýge yqpal etetin tulǵa bolýy kerek. Muǵalim de bolýy múmkin, biraq sol salany jumyldyra alatyn biliktiligi, tanymy, túisigi bar, bedeli bar azamat bolýy kerek.
It pen mysyqty qutqarý, janýardy qorǵaý degen - álemdik trend. Jalpy jaman kórinis emes. Biraq qazirgi qalyptasqan tasqyn jaǵdaiynda bizge oǵash kórinýi múmkin. Biraq it men mysyqty tasqynnan alyp shyǵý adamzattyń túsiniginde jaman emes qoi. Olai ete berseń, tyrnaq astynan kir izdeitin másele kóp. Biraq ony da qorǵashtap turǵan joqpyn. Ózi taǵaiyndalǵanyna kóp bolmaǵan jigit qoi. Men tótenshe jaǵdai ministrine bailanysty alabóten sóz aita almaimyn", - dedi ol.
