Bári Densaýlyq saqtaý ministirin tyńdaýy kerek!
– Pandemiia kezinde QR Densaýlyq saqtaý ministrine airyqsha statýs pen ókilettilik beriledi. Úkimet músheleri pen ákimder pandemiiaǵa qarsy atqaryp jatqan jumystary jaiynda ministrlikke kúndelikti esep berýi tiis. Qazirgidei tótenshe jaǵdai kezinde bizder pandemiiaǵa qarsy is-sharalarǵa qarsy shuǵyl túrde sheshim qabyldaýymyz kerek.
Sol sebepti Densaýlyq saqtaý ministriniń tapsyrmasy úkimet músheleri men ákimder úshin eń mańyzdy tapsyramaý bolýy tiis, – dedi Memleket basshysy Qasym-Jomart Toqaev.
Indet ýshyǵyp turǵanda barlyq qurylymdardyń Densaýlyq saqtaý ministrliginiń tapsyrmalaryn der kezinde oryndap, virýsqa qarsy tiimdi jumys isteýi mańyzdy.
«SK Farmatsiia» jáne qaǵazbastylyq
Búginde QR Densaýlyq saqtaý ministrligi dárigerler men aýrýhanalarǵa ǵana jaýapty mekeme siiaqty kórinedi. Shyndyǵynda ministrliktiń jumysy san-sanaly ekenin bilemiz.
Aitalyq, dári-dármek pen qajetti meditsinalyq tehnikalardy satyp alý isimen «SK Farmatsiia» kompaniiasy ainalyssa, elimiz boiynsha jańadan enigzilgen meditsinalyq saqtandyrý isin «Áleýmettik meditsinalyq saqtandyrý qory» júzege asyrady. Osylaisha elimizdegi densaýlyq saqtaý salasynyń negizgi qarjy kózderine osy eki qarjylyq qurylym ielik etip otyr. Bul qurylymdar QR Densaýlyq saqtaý ministrligine tolyqtai baǵyndy dep aitýdyń ózi qiyn.
Kúni keshe ǵana aqparat quraldarynda indetke qarsy Katardan mamyr aiynyń aiaǵynda kelgen meditsinalyq kómekti «SK Farmatsiia» kompaniiasy qoimada sarymaidai saqtaǵanyn bilgende jurt jaǵasyn ustady. Kompaniia basshylary qajetti meditsinalyq sertifikattardy talap etip, qaǵazbastylyqqa boi aldyryp, ózge elden kelgen kómekti emhanalarǵa jetkizbegenin qalai túsinýge bolady?
Dál sol kezde elimizdegi emdeý nysandarda meditsinalyq qaýipsizdik zattary jetispei talai dáriger virýs juqtyrǵanyn bilemiz.
Áieldiń áńgimesi – daýǵa tamyzyq boldy
Kúni keshe ǵana Áleýmettik meditsinalyq saqtandyrý qorynyń basshysy Aibatyr Jumaǵulov bloger-jýrnalist Gúlbaný Ábenovamen daýlasyp, jurttyń aldynda synǵa qalǵanyn jurt jaqsy biledi.
Jumaǵulovtyń jubaiy osydan birneshe jyl buryn qudai qosqan qosaǵy 12 kólik syilaǵanyn aityp, áleýmettik jelide aidai álemge jar salyp jazypty. Osylaisha erke kelinshektiń birneshe jyl buryn jazǵan jazbasy Jumaǵulovty jurttyń synyna qaldyrdy.
Artynsha Jumaǵulovtyń jubaiy áleýmettik jelidegi paraqshasyn óshirip, jurttyń kókeiindegi kúmán-kúdikti odan saiyn zoraityp, otqa mai quiǵandai boldy. Aibatyr Jumaǵulov ózderinde bir ǵana kólik ekenin aitqanmen jurt qor basshysynyń sózine ilanǵan joq.
Oligarhatardyń qyzmetshisin bilikti biznesmendermen shatastyrmaiyq
Qalai desekte osy eki qurylym Eljan Birtanovtyń túbine jetkeni anyq. Bizdińshe, osy eki qurylymdy tarqatyp QR Densaýlyq saqtaý ministrliginiń quramyndaǵy vedmostvalyq qurylymǵa ainaldyrý kerek. Sol kezde Densaýlyq saqtaý ministri halyqtyń aldyndaǵy moraldyq jaýapkershilikti moiynmen kóteretin bolady.
Meditsina salasyna baǵyttalǵan qarjyny qalai jumsaýdy taza medik mamandarǵa tapsyrý kerek. Sala mamandary memleket qarjysyn jumsai almaidy degen syńarjaq pikirdi qoiý kerek.
Ár saladaǵy qarjylyq qurylymdarǵa bizneste tabysty jumys istegen «jigitterdi» tarta berý jaqsylyqqa bastmaitynyn kórdik.
Densaýlyq saqtaý ministri Aleksei Tsoi meditsina salasynan bólek qarjy, ákimshilik basqarý salasynda bilikti maman ekenin bilemiz. Sondyqtan vedmosvalyq uiymdarǵa qarasty qorlar men aktsionerlik qoǵamdarǵa jekelgen oligarhtardyń bankteri men kompaniialarynda direktor, basqarma tóraǵasy bolyp tabysty jumys istegen «isker biznesmenderdi» tyqpalai berýdiń qajeti joq.
Qazirgi qor tóraǵalary oligarhtardyń bankterimen kompaniialarynda jumys istegen jyldaryn biznes salasynda tabysty jumys istegen kezeń dep áńgime aityp, dúnie-múlkin, qymbat mashinalaryn sol kezde satyp alǵanyn aitýǵa ádettenip alǵanyn kórip júrmiz.
Apaitós oligarhtarǵa qyzmet etken bilikti menedjerlerdi vedmostvalyq qorlar men kompaniialarǵa jolatpaý kerek. Meditsina, bilim, qurylys salasynda jumys istep júrgen mamandar da aqshany qaida jumsaý kerek ekenin biledi.
Bizdińshe, aldaǵy ýaqytta «SK Farmatsiia» kompaniiasy men Áleýmettik meditsinalyq saqtandyrý qory Densaýlyq saqtaý ministri Aleksei Tsoiǵa baǵynýy tiis. Olai etpegen jaǵdaida koronavirýsqa qarasy kúresimiz nátijeli bolmaýy múmkin.
N Áýbákir
