Áleýmettik jelilerde jurt basqa-basqa, Saǵadievke Prezident Nazarbaevtyń ózi sógis berip, eskertý jasaǵanyn eske alyp jatyr.
Ádette Memleket basshysynyń júrgizip otyrǵan saiasatymen qyzmeti esh úilespeitin, esh úilespegenińiz ne, sál qiǵash ketetin ministrler álgindei eskertýden soń "esikten shyǵyp" kete baratyn edi.
Alaida, Erekeńe ol dástúr júrmeitin bolsa kerek, kózáineginiń artynan syǵalap ol, áne, BjǴM-niń tórinde áli otyr. Quddy borsyq siiaqty. "Borsyqty ura berse semiredi" deýshi edi qazaq. Sol mátel osy bizdiń Bilim ministrine kelip tur.
...Degende endi qaitpek kerek? Saǵadievti qyzmet babymen ósirip jiberý kerek. Laýazymyn joǵarlatpai, qyzmetin ósirmei bolmaityn siiaqty. Sondyqtan ministr myrzaǵa qaitkende Bilim men ǵylymnan aýyly alys bir qyzmet taýyp bergendi jón kórip otyrmyn óz basym. Endeshe oǵan qandai qyzmet usynsaq bolady? Oiymyzdy ortaǵa salyp kóreiikshi, birimizdiń bolmasa, birimizdiń usynysymyz Úkimet basshysyna álde Memleket basshyna unap qalýy ábden múmkin.
Iliias Aqbai
Derekkóz: Abai.kz
