الەۋمەتتىك جەلىلەردە جۇرت باسقا-باسقا، ساعادييەۆكە پرەزيدەنت نازاربايەۆتىڭ ءوزى سوگىس بەرىپ، ەسكەرتۋ جاساعانىن ەسكە الىپ جاتىر.
ادەتتە مەملەكەت باسشىسىنىڭ جۇرگىزىپ وتىرعان ساياساتىمەن قىزمەتى ەش ۇيلەسپەيتىن، ەش ۇيلەسپەگەنىڭىز نە، ءسال قيعاش كەتەتىن مينيسترلەر الگىندەي ەسكەرتۋدەن سوڭ "ەسىكتەن شىعىپ" كەتە باراتىن ەدى.
الايدا، ەرەكەڭە ول ءداستۇر جۇرمەيتىن بولسا كەرەك، كوزاينەگىنىڭ ارتىنان سىعالاپ ول، انە، ءبجعم-نىڭ تورىندە ءالى وتىر. قۇددى بورسىق سياقتى. "بورسىقتى ۇرا بەرسە سەمىرەدى" دەۋشى ەدى قازاق. سول ماتەل وسى ءبىزدىڭ ءبىلىم مينيسترىنە كەلىپ تۇر.
...دەگەندە ەندى قايتپەك كەرەك؟ ساعادييەۆتى قىزمەت بابىمەن ءوسىرىپ جىبەرۋ كەرەك. لاۋازىمىن جوعارلاتپاي، قىزمەتىن وسىرمەي بولمايتىن سياقتى. سوندىقتان مينيستر مىرزاعا قايتكەندە ءبىلىم مەن عىلىمنان اۋىلى الىس ءبىر قىزمەت تاۋىپ بەرگەندى ءجون كورىپ وتىرمىن ءوز باسىم. ەندەشە وعان قانداي قىزمەت ۇسىنساق بولادى؟ ويىمىزدى ورتاعا سالىپ كورەيىكشى، ءبىرىمىزدىڭ بولماسا، ءبىرىمىزدىڭ ۇسىنىسىمىز ۇكىمەت باسشىسىنا الدە مەملەكەت باسشىنا ۇناپ قالۋى ابدەن مۇمكىن.
ءىلياس اقباي
دەرەككوز: Abai.kz
