Reseidegi Qazaqstannyń burynǵy elshisi Imanǵali Tasmaǵambetov óz erkimen otstavkaǵa ketti, dep málimdedi Syrtqy ister ministri Muhtar Tileýberdi úkimet dálizinde jýrnalisterge bergen suqbatynda, dep habarlaidy Dalanews.kz.
- Ol zeinet jasyna jetýine bailanysty óz erkimen jumystan shyqty. Sondyqtan da meniń túsinýimshe, ol SIM júiesinde qalmaidy, - dedi Muhtar Tileýberdi.
Ministr, Qazaqstannyń Reseidegi Tótenshe jáne Ókiletti Elshisi Imanǵali Tasmaǵambetov ketkennen keiin onyń qyzmetin ýaqytsha kim atqaratynyn aityp berdi.
«Keńesshi-elshi atqarady. Keshe arnaiy buiryqqa qol qoidym. Nurjan Qajiaqbarov Elshiliktegi ekinshi adam, oǵan Resei Federatsiiasyndaǵy Qazaqstan Respýblikasy isteriniń ýaqytsha senimdi ókili mindeti júkteldi. Nurjan Qajiaqbarov jańa Elshi taǵaiyndalyp, Resei Prezidentine senim gramotasyn tapsyrǵanǵa deiin mindetin atqaratyn bolady», - dedi ol.
18 jeltoqsanda Memleket basshysynyń Jarlyǵymen Tasmaǵambetov Resei Federatsiiasyndaǵy Qazaqstan Respýblikasynyń Tótenshe jáne Ókiletti Elshisi qyzmetinen bosatyldy. 9 jeltoqsanda ol 63 jasqa toldy.
